Самалёт Пашыняна не змог прызямліцца ў Маскве з-за атакі дронаў
6- 11.12.2025, 10:42
- 2,340
Борт прэм’ер-міністра Арменіі амаль гадзіну кружаўся над Цвярской вобласцю.
Самалёт, на борце якога знаходзіўся прэм’ер-міністр Арменіі Нікол Пашынян, не змог у ноч на 11 снежня здзейсніць пасадку ў Маскве, піша Baza. З-за атакі ўкраінскіх дронаў усе аэрапорты маскоўскага авіявузла не прымалі і не адпраўлялі рэйсы.
Самалёт Пашыняна амаль гадзіну кружаўся над Цвярской вобласцю, чакаючы дазволу на пасадку, піша Baza, але так яго і не атрымаў. У выніку самалёт накіраваўся ў Санкт-Пецярбург, дзе прызямліўся каля першай гадзіны ночы ў Пулкаве.
Пашынян ляцеў у Маскву, каб узяць удзел у пасяджэнні міжурадавага савета Еўразійскага эканамічнага саюза.