Навукоўцы распавялі пра карысць часнаку

Гэта сапраўдны антымікробны апаласквальнік для паражніны рота.

Як думаеце, чым пахне чалавек з найбольш здаровай паражнінай рота? Вядома ж, часнаком. Навукоўцы з Універсітэта Шарджы (ААЭ) правялі даследаванне і высветлілі, што часночны экстракт — эталонны антымікробны апаласквальнік для паражніны рота, піша «Нож».

Раней лічылася, што паражніну рота найлепш дэзінфікуе хлоргексідзін. Аўтары навуковай працы хацелі зразумець, ці можа апаласквальнік з часнаком канкураваць за званне найбольш эфектыўнага сродку.

Каманда правяла агляд пяці артыкулаў, у якіх параўноўваліся ўласцівасці хлоргексідзіну і экстракту часнаку. У вывучаных працах былі апісаныя клінічныя даследаванні абодвух сродкаў.

У выніку навукоўцы прыйшлі да высновы, што апаласквальнікі з найвышэйшай канцэнтрацыяй экстракту часнаку валодаюць такімі ж антымікробнымі ўласцівасцямі, як і хлоргексідзін. Пры гэтым часночныя сродкі — больш натуральная альтэрнатыва папулярнаму раствору.

«Эфектыўнасць вар'іравалася ў залежнасці ад канцэнтрацыі апаласквальніка і працягласці прымянення, што паўплывала на розніцу ў выніках, — адзначылі навукоўцы. — У некаторых даследаваннях перавага надавалася хлоргексідзіну… тады як у іншых паведамлялася, што экстракт часнаку больш эфектыўны пры пэўных канцэнтрацыях».

Паводле слоў даследчыкаў, галоўная перашкода на шляху папулярызацыі часночнага раствору — вядомыя пабочныя эфекты: пякучае адчуванне і непрыемны пах. Таксама навукоўцы адзначылі, што ў будучыні іхнім калегам варта правесці дадатковыя клінічныя выпрабаванні з большай колькасцю ўдзельнікаў і больш працяглымі перыядамі назірання.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com