Часопіс Time назваў архітэктараў ШІ «Чалавекам года»
2- 11.12.2025, 19:53
На вокладцы часопіса апынуліся Маск, Цукерберг, Альтман і кіраўнікі іншых кампаній.
Часопіс Time назваў «чалавекам года» «архітэктараў штучнага інтэлекту».
На вокладцы часопіса, аформленай у стылі фатаграфіі «Абед на хмарачосе», на сталёвай бэльцы над горадам сядзяць кіраўнік Meta Марк Цукерберг, гендырэктар AMD Ліза Су, уладальнік X Ілон Маск, кіраўнік Nvidia Джэнсен Хуанг, кіраўнік OpenAI Сэм Альтман, гендырэктар належнай Google ШІ-кампаніі DeepMind Дэміс Хасабіс, кіраўнік Anthropic Дарыа Амадэй і заснавальніца ImageNet Фэй-Фэй Лі.
AMD і Nvidia — вытворцы ШІ-чыпаў.
«Гэта гісторыя пра тое, як штучны інтэлект змяніў наш свет у 2025 годзе новымі, захапляльнымі, а часам і пужлівымі спосабамі. Гэта гісторыя пра тое, як Хуанг і іншыя тэхналагічныя тытаны кіравалі ходам гісторыі, распрацоўваючы тэхналогіі і прымаючы рашэнні, якія змяняюць інфармацыйны ландшафт, клімат і нашыя сродкі да існавання. <...> Яны пераарыентавалі дзяржаўную палітыку, змянілі геапалітычнае суперніцтва і ўвялі робатаў у дамы. Штучны інтэлект стаў, мабыць, найважнейшым інструментам у канкурэнтнай барацьбе вялікіх дзяржаў з часоў з’яўлення ядзернай зброі», — піша Time.
Мінулым годам «чалавекам года» стаў Дональд Трамп, абраны на другі прэзідэнцкі тэрмін.
Паводле разлікаў букмекерскага агенцтва Polymarket, «чалавекам года» ў 2025 годзе мог стаць Штучны Інтэлект. Паводле папярэдняй інфармацыі, верагоднасць выбару ШІ складала 69%. Далей ішлі заснавальнік і кіраўнік амерыканскай кампаніі Nvidia, вядучага вытворцы чыпаў, Джэнсен Хуанг (14%), генеральны дырэктар OpenAI Сэм Альтман (10%), Папа Рымскі Лев XIV (4%) і прэзідэнт ЗША Дональд Трамп (1%).
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
