Путіну паказалі карту з памылкай

Бялоўсаў схлусіў кіраўніку Крамля пра поспехі расійскай арміі.

Кіраўнік Мінабароны РФ Андрэй Бялоўсаў, выступаючы перад расійскім дыктатарам Уладзімірам Пуціным на пашыранай калегіі ведамства, распавёў пра так званыя поспехі Расіі ў 2025 годзе. У прыватнасці, Бялоўсаў заявіў пра захоп вёскі Малая Токмачка ў Запарожскай вобласці, якая, паводле звестак аналітыкаў, усё яшчэ знаходзіцца пад кантролем украінскіх вайскоўцаў.

На гэта звярнула ўвагу расійскае выданне «Агентство.Новости».

Кіраўнік міністэрства абароны краіны-агрэсара хлусіў Пуціну, што групоўка «Днепр» наступае на Арэхоўскім напрамку, узяла пад кантроль Малую Токмачку і вядзе баі на подступах да горада Арэхоў.

«Узяцце пад кантроль гэтага населенага пункта створыць спрыяльныя ўмовы для далейшага наступлення на паўночным захадзе Запарожскай вобласці», — заяўляў Бялоўсаў.

Словы расійскага міністра праілюстравалі картай лініі фронту ў Запарожскай і Херсонскай абласцях. Аднак вёска Малая Токмачка на карце была пазначана з памылкай і не адпавядала яе рэальнаму месцазнаходжанню, паведаміў ваенны аналітык Кірыл Міхайлаў, супрацоўнік аналітычнай групы Conflict Intelligence Team (CIT).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com