Галоўную ёлку Добруша спілавалі ў двары мясцовай жыхаркі

Дрэву было 22 гады.

Раней навагодняе дрэва ў Добрушы прывозілі з лесу, а сёлета яго ўзялі з прыватнага падвор'я. Жыхарка вуліцы Савецкай Слава Дабрадзеева сама звярнулася ў дыспетчарскую «Добрушскага камунальніка» з прапановай паставіць у цэнтры горада яліну, якая расла ў яе ў двары, піша «Добрушскі край».

— Гэтаму дрэву 22 гады, — расказала ветэран педагагічнай працы. — А з’явілася яно тут дзякуючы маему мужу Яўгену Антонавічу. Ён знайшоў у лесе паблізу маленькі акуратны саджанец і вырашыў, што часцінка свята павінна быць у кожным нашым дні.

За сваё доўгае жыццё ёлка была і тэнтам ад сонца ў спёку, і кватэрай для птушак, якія цэлымі чародкамі акупоўвалі яе галіны, і самым што ні ёсць навагоднім упрыгожваннем з гірляндамі і шклянымі цацкамі.

Паводле слоў суразмоўніцы, яе муж нават будаваў з унукамі пад калючай кронай гарадкі са снегу. Пацехі было!

— Памяць застанецца са мной, але захацелася падарыць такія ж пазітыўныя, цёплыя эмоцыі і землякам, — усміхаецца Слава Дабрадзеева.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com