Беларуская гімнастка Меліціна Станюта паведаміла пра заручыны

Відэа.

Вядомая беларуская гімнастка і медалістка чэмпіянатаў свету і Еўропы Меліціна Станюта 17 снежня паведаміла ў Instagram пра свае заручыны, заўважыла «Зеркало».

«Oui!» — напісала спартсменка пад відэа, дзе яна дэманструе пярсцёнак, а пасля яе кружыць у абдымках даўгавалосы хлопец. Падрабязнасцяў пра свайго абранніка Станюта не раскрыла.

Oui азначае «так» па-французску.

Ролік быў зняты на Старамесцкай плошчы ў Празе.

Меліціна Станюта — 32-гадовая беларуская гімнастка, неаднаразовая прызёрка чэмпіянатаў свету і Еўропы, заслужаны майстар спорту Рэспублікі Беларусь (2015). Праўнучка савецкай беларускай актрысы Сцяпаніі Станюты.

У 2020 годзе Меліціна падпісала ліст спартсменаў за новыя сумленныя выбары і супраць гвалту беларускай улады.

«Шчыра кажучы, я наогул сумняваюся, што калі-небудзь саспею для сур'ёзных адносін. Па меншай меры, пакуль не скончу са спортам — замуж дакладна не пайду», — распавядала калісьці 18-гадовая Станюта.

Спартыўную кар'еру яна завяршыла ў 2016 годзе, тады ж абмяркоўваўся яе раман з кікбаксёрам Віталём Гурковым.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com