Зяленскі адказаў на выпады Пуціна
4- 18.12.2025, 11:48
- 4,612
Эканоміка РФ не здольная працягваць вайну ў вялікіх маштабах.
Прэзідэнт Украіны Уладзімір Зяленскі пракаментаваў новыя заявы расійскага дыктатара Уладзіміра Пуціна аб вайне ва Украіне, падкрэсліўшы, што ад дзеянняў саюзнікаў залежыць, як доўга Расія будзе здольная працягваць поўнамаштабную вайну. Як перадае карэспандэнт УНІАН, пра гэта кіраўнік дзяржавы сказаў падчас анлайн-брыфінгу ў WhatsApp.
«Перш за ўсё сігналы, якія дае Пуцін, абсалютна не новыя для нас. Я заўсёды казаў, што ён не хоча заканчваць вайну. Пытанне, ці можа ён яе працягваць? Гэтае пытанне ўжо залежыць ад нашых партнёраў, ад іх ціску, найперш санкцыйнага, але і дыпламатычнага», — адзначыў Зяленскі.
Як адзначыў кіраўнік дзяржавы, цяпер амерыканскія калегі ў публічным і непублічным фарматах заяўляюць, што Пуцін нібыта «гатовы да заканчэння вайны».
Разнагалоссі па праекце пагаднення аб міры
У той жа час, як адзначыў прэзідэнт, Украіна падтрымлівае ініцыятывы амерыканцаў.
«Мы не згодныя з усімі рысамі тых ці іншых будучых дамоўленасцяў. Вы пра гэта ведаеце. Ёсць у нас некаторыя разыходжанні па тэрытарыяльным пытанні, фінансаванні, па frozen assets (замарожаныя актывы), і ёсць яшчэ некаторыя пытанні, якія не ўзгодненыя», — паведаміў Зяленскі.
Чаканне ціску на Расію з боку ЗША
«Але, тым не менш, я не думаю, што эканоміка Пуціна здольная працягваць гэтую вайну ў тых аб'ёмах, якія былі дагэтуль. Калі санкцыі сапраўды будуць дзейнічаць. І калі Злучаныя Штаты будуць сумленнымі і адкрытымі. Калі Пуцін цяпер будзе тармазіць гэтую дыпламатычную хвалю, — а цяпер яна самая вялікая за апошні час, — тады Злучаныя Штаты будуць ціснуць на іх больш. Пабачым», — падкрэсліў Зяленскі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
