Зяленскі выступіў супраць змянення Канстытуцыі Украіны ў дачыненні да НАТА

Кіеў не будзе змяняць свой курс.

Прэзідэнт Украіны Уладзімір Зяленскі усведамляе амерыканскую блакаду шляху Украіны ў НАТА, але не лічыць неабходным змяняць канстытуцыйны курс на ўступленне ў Альянс.

Пра гэта ён заявіў на прэс-канферэнцыі пасля наведвання пасяджэння Еўрапейскага савета, паведамляе з Брусэля карэспандэнт «Еўрапейскай праўды».

Уладзімір Зяленскі падкрэсліў, што амерыканскі скепсіс адносна Украіны ў НАТА з’явіўся яшчэ пры папярэдняй адміністрацыі ЗША. Ён, у прыватнасці, заявіў, што «наўпрост задаваў пытанне, ці можа Украіна быць у НАТА» экс-прэзідэнту Байдэну.

«Гэта было яшчэ да (поўнамаштабнай) вайны. Прэзідэнт Байдэн мне сказаў: «Не, вы не будзеце ў НАТА». Я вяртаўся да гэтага пытання кожны раз, і ў кагосьці ў Белым доме гэта ўжо выклікала ўсмешкі», — падзяліўся ён.

З тлумачэнняў Зяленскага таксама вынікала, што яму не прыводзілі аргументаў супраць сяброўства Украіны ў НАТА.

«Я не разумею, калі мне кажуць, маўляў, мы ў прынцыпе не супраць, але вы не будзеце ў НАТА. Бо гэта азначае, што хтосьці супраць. І трэба шчыра казаць, хто супраць», — заявіў ён.

Раней Украіна неаднаразова выказвала меркаванне, што рэальнай крыніцай вета на рух Украіны ў НАТА з’яўляецца Расія, просьбы якой задавальняюць асобныя дзяржавы-саюзнікі. У Бруселі ён гэтага ўдакладняць не стаў.

Разам з тым, Уладзімір Зяленскі нагадаў, што мэта ўступлення Украіны ў НАТА замацаваная ў Канстытуцыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com