Чаму кампанію Apple назвалі менавіта так?

Гэта не выпадковая назва, а філасофія.

Вы калі-небудзь глядзелі на свой iPhone, iPad або Mac і задумваліся, чаму Apple называецца «Эпл»? Гэтая назва, безумоўна, вылучае кампанію сярод канкурэнтаў. Тады як іншыя брэнды гучаць суха і тэхнічна (Microsoft, NVIDIA і інш.), «Apple» — жывое і запамінальнае слова.

Ці ёсць у гэтай назве глыбокі сэнс, ці яна проста замацавалася ў першыя дні існавання кампаніі, узгадалі ў выданні SlashGear.

Назва нарадзілася не з маркетынгавых прэзентацый — яна прыйшла падчас адной з фруктарыянскіх дыет Стыва Джобса. Тады ён эксперыментаваў з фруктовай дыетай і літаральна «жыў» на яблыках.

Джобс вяртаўся дадому пасля візіту на яблыневую ферму і прапанаваў назваць кампанію «Apple Computer». Як ён сам казаў у сваёй біяграфіі, слова «Apple» гучала для яго «вясёла, жвава і не палохаюча», што падыходзіла для кампаніі, якая марыла зрабіць камп'ютары даступнымі простым людзям.

Праўда, Стыў Возняк, з якім Джобс разам заснаваў Apple, успрыняў гэта не адразу. Бо ў гурта The Beatles ужо быў лейбл з амаль такой жа назвай — Apple Corps, і такое супадзенне магло прывесці да юрыдычных праблем. І гэтыя асцярогі пазней пацвердзіліся — кампанію абвінавацілі ў парушэнні правоў на гандлёвую марку, і давялося заплаціць кампенсацыю.

Аднак іншыя, больш «тэхнічныя» назвы, якія фігуравалі тады, кшталту «Executex» або «Matrix Electronics», так і не прыжыліся — ні па гучанні, ні па філасофіі.

Тэлефонны даведнік мог адыграць сваю ролю

Існуюць і больш прагматычныя дэталі гэтай гісторыі. Ідэя была ў тым, каб выбраць слова, якое ў тэлефоннай кнізе апынецца вышэй за Atari — рэальнага канкурэнта таго часу. А вывесці кампанію наперад сярод канкурэнтаў было практычна бясплатнай рэкламай.

Хоць тэлефонны даведнік, магчыма, і адыграў сваю ролю, калі скласці ўсе гэтыя фактары — прастату, дружалюбнасць, філасофію і крыху прагматычнасці — становіцца зразумела, чаму «Apple» так трывала замацавалася ў свядомасці людзей.

Сёння гэта — адзін з самых пазнавальных брэндаў на планеце, і яго назва — важная частка іміджу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com