Прэзідэнт Польшчы: Не можа быць ніякіх дамоўленасцяў з маскалямі

Кароль Навроцкі правёў урок гісторыі.

Прэзідэнт Польшчы, доктар гуманітарных навук у галіне гісторыі Кароль Навроцкі падчас выступлення з нагоды 195‑й гадавіны пачатку Лістападаўскага паўстання 1830—1831 гадоў заклікаў засвоіць гістарычныя ўрокі і правёў паралелі з сучаснасцю.

Фрагмент выступлення Навроцкага апублікаваў кіраўнік канцылярыі прэзідэнта Польшчы Збігнеў Богуцкі у сацсетцы X.

Навроцкі заявіў, што гэта ўрок для палякаў.

«З маскалямі ні ў XIX стагоддзі, ні ў XX стагоддзі, ні ў XXI стагоддзі няма ніякіх дамоўленасцяў. Там ёсць толькі хлусня, жаданне забраць дух і смага знішчэння. Гэта ўрок, які ўсе мы павінны, паважаныя панове, засвоіць», — сказаў прэзідэнт Польшчы.

Паўстанне 1830—1831 гадоў — нацыянальна-вызвольнае паўстанне супраць улады Расійскай імперыі на тэрыторыі Каралеўства Польскага, Беларусі, Літвы і Правабярэжнай Украіны.

У Беларусі і Літве дзейнічала каля 30 паўстанцкіх атрадаў, якія налічвалі 12 тыс. чалавек. Сярод інсургентаў былі такія людзі, як Напалеон Орда, Ігнацы Дамейка, Эмілія Плятэр. Старшынём Часовага ўрада Літвы быў Тадэвуш Тышкевіч — «граф на Лагойску і Бярдзічаве».

На пачатку жніўня 1831 года на ўсёй тэрыторыі Беларусі паўстанне было падаўлена. Многія актыўныя паўстанцы, у тым ліку з тэрыторыі сучаснай Беларусі, пакінулі радзіму і пазней удзельнічалі ў барацьбе за свабоду ў розных краінах Еўропы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com