Узброеныя Сілы Украіны пайшлі ў магутную контратаку: адбіты важныя пазіцыі

Населены пункт Іванаўка поўнасцю вызвалены.

Украінскія абаронцы цалкам выбілі акупантаў з Іванаўкі на Дняпрапятроўшчыне. Пра гэта заявіў украінскі вайсковец з пазыўным «Мучной», піша «Главред».

Украінскія штурмавыя групы змаглі зайсці ўглыб і ўзяць пад кантроль усе ключавыя кропкі.

«Н. п. Іванаўка нарэшце цалкам выбіты з лап акупанта. Цяпер ужо без усякіх але — тэрыторыя зачышчана да апошніх схронаў, ворага там больш няма. Нашы штурмавыя групы зайшлі ўглыб, дадушылі рэшткі супраціву і ўзялі пад кантроль усе ключавыя кропкі, якія яшчэ трымалі сітуацыю ў «шэрай» зоне!» — заявіў вайсковец.

Ён дадаў, што цяпер украінскія абаронцы выраўноўваюць лінію фронту, абсталёўваюць пазіцыі, падцягваюць агнявыя сродкі і расчышчаюць падыходы, каб не даць акупантам магчымасці зноў захапіць пазіцыі.

«Рубежы, якіх дасягнулі, утрымліваюцца жорстка, з запасам па сектары і гатоўнасцю гасіць любую спробу контратакі», — дадаў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com