Чаму Мінск пастаянна ў тумане?

Адказ сіноптыкаў.

Мінчукі жывуць у тумане апошнія некалькі тыдняў. Кліматолагі кажуць, што ў сярэднім за год Беларусь можа праводзіць у туманнай смузе ад 30 да 70 дзён.

Сацсеткі абмяркоўваюць, што Мінск стаў больш туманным за Лондан. Аднак кліматолагі кажуць, што абсалютны рэкорд зафіксаваны не ў сталіцы. У 1964 годзе ў Навагрудку туман трымаўся 140 дзён, што складае больш за траціну года, піша smartpress.by.

Адна з прычын частай туманнасці сталіцы — яе рэльеф. Мінск размешчаны на вышыні каля 220 метраў над узроўнем мора, але гэта сярэдні паказчык.

«На паўднёва-ўсходзе горада, у раёне Шабаны, вышыня складае каля 180–190 м, а недалёка ад станцыі метро «Кунцаўшчына» вышыня дасягае 270–280 м. То бок розніца ў вышыні складае амаль 100 метраў», — тлумачыў парталу News.by малодшы навуковы супрацоўнік лабараторыі кліматычных даследаванняў Іван Буякоў.

З-за гэтага перападу тое, што часам здаецца густым туманам, можа аказацца нізкімі слоістымі аблокамі. Такую з'яву, паводле слоў кліматолага, асабліва часта фіксуюць з кастрычніка па студзень–люты.

Найбольш туманныя ўзвышшы — Мінскае і Навагрудскае. Там можа быць да 25 дзён туману на месяц. Звычайна ў халодную пару.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com