Зяленскі назваў сапраўдную мэту Расіі ў вайне з Украінай

«Галя ў іх разбалаваная».

Краіна-агрэсар Расія не ў стане змяніць уласныя пазіцыі і не пагодзіцца ні на адно кампраміснае рашэнне пра мір ва Украіне, бо не хоча гэтага і пакуль не адчувае санкцыйнага ціску ў поўным аб’ёме. Таму санкцыйную палітыку трэба не толькі працягваць, але і ўзмацняць, лічыць прэзідэнт Украіны Уладзімір Зяленскі.

Іншых варыянтаў няма, і калі агрэсары адмаўляюцца ад дыпламатыі, трэба нарошчваць ціск, растлумачыў украінскі лідар. Пра гэта ён сказаў 20 снежня, адказваючы на пытанні журналістаў.

Галя ў іх разбалаваная

«Расія не можа змяніць свае пазіцыі самастойна — яна не хоча гэтага. Яна хоча — разглядала і разглядае — поўную акупацыю нашай дзяржавы. І, безумоўна, знішчэнне нашай незалежнасці. Яна заўсёды гэтага хацела», — падкрэсліў Уладзімір Зяленскі.

Менавіта таму патрэбныя санкцыі і эканамічны ціск на Расію, адзначыў ён. Паводле слоў украінскага прэзідэнта, калі ў гаспадара Крэмля «не будзе грошай, то ён не зможа працягваць вайну».

«Таму трэба ціснуць менавіта на гэта. І паколькі мы разумеем, што, як кажуць, «Галя ў іх разбалаваная», трэба, на мой погляд, Амерыцы крыху мацней ціснуць на расіян, не даваць альтэрнатывы», — сказаў прэзідэнт Украіны.

Ён заклікаў ЗША «ясна сказаць» агрэсарам: калі яны не пагодзяцца на дыпламатыю (гэта значыць, перамовы), будзе «вельмі моцная» вайсковая падтрымка Украіны і санкцыі «поўнасцю — на ўсю эканоміку і на ўсе сектары, якія прыносяць грошы расіянам».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com