Названы прадукт, які вяртае біялагічную маладосць

Даследаванне правялі ў Каралеўскім каледжы Лондана.

Даследаванне Каралеўскага каледжа Лондана паказала, што цёмны шакалад змяшчае рэчыва тэабрамін, якое патэнцыйна можа запавольваць біялагічнае старэнне. Навукоўцы даследавалі больш за 1600 удзельнікаў і высветлілі, што павышаны ўзровень тэабраміну ў крыві карэлюе з маладзейшым біялагічным узростам арганізма.

Пра гэта піша Express.

Біялагічны ўзрост адлюстроўвае стан арганізма, яго здароўе і функцыянальныя магчымасці, а не каляндарны ўзрост. Напрыклад, 45-гадовы ўдзельнік даследавання мог мець біялагічны ўзрост 35 гадоў, калі ўзровень тэабраміну быў высокі.

Прафесар Джордана Белл, аўтарка даследавання, адзначыла: «Нашае адкрыццё паказвае сувязь паміж кампанентамі цёмнага шакаладу і захаваннем маладосці. Гэта не азначае, што трэба есці больш шакаладу, але даследаванне дапамагае зразумець, як харчаванне ўплывае на даўгалецце».

Навукоўцы таксама правяралі какава і кафеін, але амаладжальныя ўласцівасці выявілі толькі ў тэабраміне. Гэта прыроднае расліннае злучэнне, якое, акрамя патэнцыйнага ўплыву на старэнне, валодае антыаксідантнымі ўласцівасцямі, паляпшае кровазварот, кагнітыўныя функцыі і можа зніжаць узровень халестэрыну.

Доктар Рамі Саад, галоўны даследчык, адзначыў, што адкрыццё можа стаць асновай для новых даследаванняў старэння і прафілактыкі розных захворванняў.

Не ўсе батончыкі з пазнакай «цёмны шакалад» карысныя. Спецыялісты раяць выбіраць вырабы з не менш як 70% какава, без лішніх цукроў і дабавак. Менавіта такія прадукты могуць прыносіць карысць арганізму і дапамагаць падтрымліваць здароўе і маладосць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com