Швецыя затрымала падсанкцыйнае расійскае судна

Праводзіцца праверка.

Прадстаўнікі шведскай мытні спынілі расійскае грузавое судна «Адлер», кампанія-ўладальніца якога займаецца экспартам зброі ў РФ. На борце праводзяць праверку грузу.

Пра гэта паведамляе SVT.

Як адзначаецца, «Адлер» яшчэ ў суботу раніцай стаў на якар у шведскіх водах паблізу Геганеса пасля таго, як у яго адбыўся збой у працы рухавіка.

Начная аперацыя праводзілася пад кіраўніцтвам Мытнай службы, якая звярнулася па дапамогу да Берагавой аховы. Паводле звестак SVT, у рэйдзе таксама ўдзельнічалі байцы Нацыянальнага атрада спецыяльнага прызначэння, да справы прыцягнутыя Паліцыя бяспекі і пракуратура.

Праверка судна працягвалася і раніцай у нядзелю. Паводле слоў прадстаўніка Мытнай службы Марціна Геглунда, высадка на борт прайшла спакойна, а экіпаж быў ветлівы.

Судна належыць расійскай кампаніі M Leasing LLC, якая знаходзіцца ў санкцыйных спісах ЗША і ЕС. Прычына ў тым, што караблі кампаніі, нібыта, перавозяць паўночнакарэйскія боепрыпасы, якія Расія потым выкарыстоўвае ў вайне супраць Украіны.

Адзначаецца, што гэты рэйд з’яўляецца адным з серыі аналагічных праверак, праведзеных супраць падазронай расійскай гібрыднай дзейнасці або гандлю зброяй у водах краін ЕС на працягу года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com