Еўрасаюз перадаў Украіне ЦЭС з Літвы

Яна забяспечыць святлом мільён украінцаў.

Еўракамісія перадала Украіне цеплавую электрастанцыю з Літвы, якая павінна забяспечыць святлом каля мільёна украінцаў, паведамляе прэс-служба Мінэнерга Украіны.

- Складаная аперацыя, якая доўжылася 11 месяцаў, уключала 149 паставак абсталявання агульнай вагой 2399 тон. Сярод іх 40 былі негабарытнымі грузамі, у тым ліку надзвычай цяжкія трансфарматары і статары вагой каля 172 тон кожны, - адзначылі ў Мінэнерга.

Паведамляецца, што падтрымка Польскага ўрадавага агенцтва стратэгічных рэзерваў адыграла важную ролю ў забеспячэнні складанага транспартавання гэтых кампанентаў.

Прадастаўленае абсталяванне дапамагло правесці аварыйныя рамонты ў некалькіх рэгіёнах Украіны, дзе энергетычная інфраструктура была значна пашкоджана ў выніку расійскіх удараў.

- Мы надзвычай удзячны партнёрам з Літвы, Польшчы і ўсяго еўрапейскага супольніцтва, якія дапамаглі атрымаць крытычна неабходнае абсталяванне. Яно дапамагло аднавіць важныя энергетычныя магутнасці і ўзмацніць устойлівасць энергасістэмы, - адзначыў в. а. міністра энергетыкі Украіны Арцём Некрасаў.

Еўракамісар па пытаннях гатоўнасці, крызіснага кіравання і роўнасці Хаджа Лахбіб адзначыла, што пастаўка гэтай электрастанцыі дапаможа забяспечыць святлом і цеплом адзін мільён чалавек, якія сустракаюць чацвёртую зіму расійскай агрэсіўнай вайны.

Паводле Мінэнерга, гэтая лагістычная аперацыя з’яўляецца часткай комплекснага адказу ЕС на агрэсію РФ супраць Украіны з лютага 2022 года, скаардынаваную праз Механізм грамадзянскай абароны ЕС.

На сёння агульная падтрымка ЕС энергетычнага сектара Украіны дапамагла мільёнам людзей, уключаючы дастаўку 9500 генератараў і 7200 трансфарматараў. У цэлым Камісія выдзеліла больш за 1,2 млрд еўра на праграмы гуманітарнай дапамогі ва Украіне і даставіла больш за 160 000 тон дапамогі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com