Украінскія воіны выйшлі з Сіверска

Пра гэта паведаміў Генштаб ЗСУ.

Украінскія абаронцы выйшлі з Сіверска Данецкай вобласці. Такое рашэнне было прынята, каб захаваць жыцці воінаў.

Пра гэта паведамляе Генштаб ЗСУ ў Telegram.

У Генштабе адзначылі, што ў раёне Сіверска працягваюцца цяжкія баі. Расіяне маюць істотную перавагу ў тэхніцы і жывой сіле. Яны працягваюць спробы наступу, нягледзячы на істотныя страты.

«З мэтай захавання жыццяў нашых воінаў і баяздольнасці падраздзяленняў украінскія абаронцы адышлі з населенага пункта. Сілы абароны Украіны падчас баёў за Сіверск выматалі праціўніка, кожны метр горада даўся ворагу дарагой цаной», — падкрэсліла ўкраінскае ваеннае камандаванне.

У Генштабе патлумачылі, што вораг прасунуўся дзякуючы значнай перавазе ў жывой сіле і пастаяннаму ціску невялікімі штурмавымі групамі ў складаных пагодных умовах.

«Горад застаецца пад агнявым кантролем нашых войскаў. Акупантам, якія знаходзяцца ў горадзе, наносіцца параза, пераразаецца іх лагістыка. Ажыццяўляецца блакіроўка падраздзяленняў праціўніка з мэтай недапушчэння іх далейшага прасоўвання», — дадалі там.

Украінскія абаронцы працягваюць выконваць баявыя задачы на Славянскім напрамку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com