ISW: Механізаваныя штурмы расіян пацярпелі фіяска

Прасоўванне акупантаў будзе заставацца павольным.

Войскі краіны-агрэсара Расіі не змогуць ажыццявіць хуткія прарывы на фронце і разбурыць украінскую абарону. Дасягненні акупацыйнай арміі абмяжоўваюцца нязначным прасоўваннем малых пяхотных груп, ацэньвае Інстытут вывучэння вайны (ISW) у зводцы 23 снежня.

Аналітыкі адзначаюць, што цягам апошніх месяцаў армія РФ выключна абапіралася на тактыку пранікнення (інфільтрацыі) для дасягнення вынікаў на фронце. Сілы абароны эфектыўна адбіваюць расійскія штурмы з выкарыстаннем тэхнікі на ўзроўні ўзвода і вышэй, што сведчыць пра няздольнасць Расіі аднавіць механізаваны манеўр на полі бою, гаворыцца ў паведамленні.

«Няздольнасць Расіі праводзіць механізаваныя атакі, якія прывядуць да маштабных дасягненняў, пацвярджае, што расійскія войскі не змогуць здзейсніць хуткія прарывы і разбурыць украінскую абарону», — сказана ў зводцы.

ISW, у прыватнасці, аналізуе няўдалыя механізаваныя штурмы РФ апошніх дзён у напрамках Добраполля і Канстанцінаўкі Данецкай вобласці. Сілы абароны ў абодвух выпадках адбілі атакі і знішчылі расійскую тэхніку — танкі, баявыя машыны пяхоты, бранятранспарцёры і таму падобнае.

Паводле звестак аналітыкаў, шчыльнасць удараў украінскіх беспілотнікаў і артылерыі не дае расіянам магчымасці паспяхова манеўраваць з тэхнікай. Нават расійскія ваенныя карэспандэнты прызнаюць, што наступ групамі ў складзе больш чым двух акупантаў прыводзіць да смяротных наступстваў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com