15 традыцыйных страў, якія жыхары розных краін ядуць на Каляды

Найцікавейшыя кулінарныя традыцыі народаў свету.

Каляды — адно з самых добрых і сямейных свят у жыхароў многіх краін нашай вялікай планеты. Традыцыйна ў гэты дзень за адным сталом збіраецца ўся сям’я за сардэчнымі размовамі і смачнымі хатнімі пачастункамі.

AdMe.ru сабраў 15 калядных страў з самых розных куткоў нашай планеты, якія мясцовыя жыхары звыклі гатаваць да свята.

1. Швейцарыя

У швейцарцаў на святочную сямейную вячэру традыцыйна гатуюць фондзю шынуа. На стол ставіцца кацялёк з кіпячым булёнам і вялікая талерка з тонка нарэзаным сырым мясам.

Кожны ўдзельнік застолля гатуе сваю порцыю самастойна. Лустачкі мяса на шпажцы апускаюць у булён, трымаюць там да гатоўнасці, пасля чаго абмакваюць у соус. Утульнае застолле за такім захапляльным працэсам часам можа цягнуцца да самай раніцы.

2. Данія

Для датчан нязменным сімвалам каляднага стала з’яўляецца дэсерт — рысавы пудынг riz à l’amande, што ў даслоўным перакладзе з французскай азначае «рыс з міндалем». На справе гэта салодкі рыс, звараный у малацэ, з даданнем узбітых вяршкоў і вішнёвага джэму. Міндаль, паводле традыцыі, сыплюць на дно міскі, а ў адну з порцый кладуць цэлы арэх. Каму ён трапіць, таго чакае ўдача.

3. Нарвегія

Гастранамічныя Каляды нарвежцаў не абыходзяцца без лютэфіска — вымочанай у шчолачным растворы вяленай траскі або іншай белай мясцовай рыбы.

Як гаворыць адна з легенд пра паходжанне стравы, апякун Ірландыі святы Патрык, жадаючы атруціць вікінгаў, абліў траску шчолаччу, але страва ім спадабалася. Па кансістэнцыі яна нагадвае жэле, традыцыйна падаецца з варанай бульбай і гарчыцай.

4. Чэхія

Галоўная калядная страва ў Чэхіі — смажаны карп. На стол яго падаюць з бульбяным салатай. Прынята лічыць, што карп сімвалізуе багацце, а яго прысутнасць на святочным стале прынясе ў дом дабрабыт і матэрыяльны дастатак.

Свежага карпа чэхі набываюць прыблізна за тыдзень да самога свята і самастойна разразаюць дома. Існуе нават прымета, што калі высушаную луску ад карпа пакласці ў кашалёк, то гэта прывабіць грошы да яго ўладальніка.

5. Коста-Рыка

Для жыхароў Коста-Рыкі сімвалам каляднага застолля з’яўляюцца свіныя тамале, якія паводле традыцыі гатуюць да свята ўсёй сям’ёй. Свініну спачатку абкручваюць кукурузным цестам, затым кукурузнымі або бананавымі лістамі, замацаваўшы баваўнянай ніткай, і гатуюць на пару або ў кіпячай вадзе. Колькасць такіх нарыхтовак часам перавышае сотню. Пачастунак падаюць у любы час святочнага дня з кавай.

6. Францыя

Абавязковы французскі дэсерт на Каляды — «Каляднае палена»: шакаладны торт у форме палена як сімвал хатняга каміна, цяпла і сямейнай утульнасці. Рэцэптаў прыгатавання гэтай смакаты так шмат, што, падаецца, у кожнай французскай сям’і яна атрымліваецца па-свойму.

7. Італія

Свіная каўбаса котекино з сачавіцай — адзін з галоўных далікатэсаў каляднага стала італьянцаў. Прыгатаванне хатняй каўбасы забірае шмат часу, таму гатуюць яе за некалькі дзён да самога свята. Згодна з італьянскімі традыцыямі, тлустая каўбаса на стале сімвалізуе багацце, а круглыя зярняты сачавіцы, падобныя да манет, — заможнасць.

8. Вялікабрытанія

Калядны сліўовы пудынг — традыцыйны англійскі дэсерт і такая ж важная частка святочнага стала, як і індычка ў журавінавым соўсе. Яго гатуюць за некалькі дзён да свята на аснове сушаных фруктаў і арэхаў і вытрымліваюць у прахалодным месцы. Перад падачай салодкую смакату палваюць брэндзі і падпальваюць.

9. Грэцыя

Грэкі лічаць, што святочнай стравай цалкам можа быць суп, і гатуюць на Каляды яечна-цытрынавы суп аўгалемона. Страва паводле класічнага рэцэпту, з яйкамі, курыцай і рысам, атрымліваецца даволі гусцейшай і падобнай да вязкага рызота; на стол яе таксама можна падаваць і ў халодным выглядзе.

10. Партугалія

Партугальцы на Каляды традыцыйна гатуюць бакальяў. У даслоўным перакладзе з партугальскай гэта траска, але самі партугальцы пад гэтай назвай найперш разумеюць менавіта салёную і сушаную рыбу. У такім выглядзе траска бярэцца як аснова для нацыянальных страў. Пасля доўгага вымачвання ў вадзе з яе гатуюць салаты або запякаюць з гароднінай.

11. Філіпіны

Гастранамічным сімвалам Каляд для жыхароў Філіпін з’яўляецца нацыянальны дэсерт путо-бумбонг. Смаката ўяўляе сабой салодкі фіялетавы рыс, прыгатаваны ў бамбукавых трубачках на пару. Яркі колер дасягаецца з дапамогай бульбы або батату. На стол далікатэс падаюць на бананавых лістах са сметанкавым маслам і какосавай стружкай.

12. Фінляндыя

Для фінаў сямейная калядная вячэра — гэта найперш некалькі відаў запяканак. Так, напрыклад, бульбяная гатуецца на святочны стол у якасці гарніру да асноўнай стравы, а морквяная — як дэсертавы варыянт. У аснове морквянай, акрамя самой натэртай морквы, таксама рыс, яйкі, цукар і малако.

13. Гана

У афрыканскай Гане Каляды — адно з галоўных свят. На святочным стале абавязковае прысутнасць кукурузнай кашы і нацыянальнай стравы фуфу — густога пюрэ з таўчаных караняплодаў батату або банана. Яго прынята скатваць у невялікія шарыкі і глытаць, не жаваючы.

14. Японія

Для большасці сучасных японцаў Каляды, свята, запазычанае з Захаду, пазбаўленыя рэлігійнай складовай, аднак яны штогод адзначаюцца жыхарамі ў сямейным коле. І ўжо на працягу некалькіх дзесяцігоддзяў запар каляднае застолле ў Японіі звязана з наведваннем рэстаранаў хуткага харчавання KFC. Сям’я загадзя браніруе столік з галоўным пачастункам — курыцай ад палкоўніка Сандэрса.

15. Нямеччына

Асаблівае месца на калядным стале ў кожнай нямецкай сям’і займае святочны кекс штолен. Яго выпякаюць за месяц да падачы на стол, а ў цёмным прахалодным месцы ён можа захоўвацца каля трох месяцаў. Немцы ўпэўненыя, што ў працэсе вытрымкі смаката становіцца ў некалькі разоў смачнейшай.

Якую з гэтых калядных страў вы б паўтарылі на сваёй кухні ў свята?

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com