Гэты дзень увайдзе ў гісторыю расійска-ўкраінскай вайны

Ракетны тэрор Пуціна праваліўся

Учорашні дзень адназначна ўвойдзе ў гісторыю расійска-ўкраінскай вайны.

23 снежня вораг выпусціў па Украіне 35 ракет, з якіх былі збітыя 34.

Гэта паказчык эфектыўнасці ў 97% — і гэта неверагодна высокі вынік для масіраванага ўдару.

Вось што вядома з адкрытых крыніц.

Атака адбылася ў некалькі хваль у начны і перадсвітанкавы час.

Асноўнай мэтай ворага былі аб’екты крытычнай інфраструктуры ў цэнтральных і заходніх рэгіёнах Украіны.

Пацверджана, што звёны F-16 былі паднятыя на перахоп у раёнах, дзе наземныя комплексы (напрыклад, Patriot) мелі абмежаваны радыус дзеяння або патрабавалі падтрымкі. І адпрацавалі надзвычай эфектыўна ў сваім сектары адказнасці.

І галоўнае нават не ў колькасці збітых ракет, хаця, вядома, такія лічбы ўражваюць. Галоўнае — эфектыўнасць інтэграцыі F-16 у агульную сістэму супрацьпаветранай абароны Украіны.

І гэта здымае пытанні скептыкаў наконт здольнасці самалётаў F-16 перахопліваць крылатыя ракеты ў рэальных баявых умовах Украіны.

Бо доўгі час ішлі дыскусіі, ці змогуць украінскія пілоты і інфраструктура забяспечыць вынік, супастаўны з наземнымі комплексамі Patriot.

23 снежня дало станоўчы адказ. Знішчальнікі дазваляюць «закрываць» прабелы ў тых зонах, куды складана аператыўна падцягнуць наземныя ўстаноўкі.

Ваенныя аналітыкі выдзяляюць тры фактары, якія забяспечылі такі вынік у зонах адказнасці самалётаў:

Украінскія F-16 нарэшце пачалі працаваць у адзінай лічбавай сетцы з самалётамі AWACS НАТА, якія курсуюць у паветранай прасторы суседніх краін, і з наземнымі радарамі. Пілоты бачылі мэты задоўга да таго, як тыя ўваходзілі ў зону паражэння іх уласных радараў.

Выкарыстанне ракет класа «паветра — паветра» найноўшых мадыфікацый дазволіла знішчаць ракеты на вялікіх адлегласцях, не падпускаючы іх да гарадоў.

Магчымасць самалётаў хутка перамяшчацца паміж вобласцямі дазволіла «даганяць» ракеты, якія змянялі курс, што складана зрабіць стацыянарным комплексам.

Кошт ракеты «паветра — паветра» часта ніжэйшы за кошт ракеты для Patriot, што робіць такі перахоп больш выгадным.

Камандаванне Паветраных сіл падкрэслівае: хоць вынік 34 з 35 з’яўляецца фенаменальным, гэта ўсё ж не цуд, а вынік складанай падрыхтоўкі пілотаў, якія праходзілі навучанне цягам апошніх двух гадоў.

І так, гэта першы крок да парытэту ў паветры.

Калі б нам актыўней дапамагалі самалётамі і іншай неабходнай зброяй! Калі б не звязвалі па руках і нагах! Калі б дапамагалі абараняць краіну не так, каб мы проста не памерлі, а так, каб можна было пакончыць з расійскім тэррорам!..

Відавочна, што высокая эфектыўнасць аднаго дня не гарантуе адсутнасці пагроз у будучыні. Тактыка праціўніка пастаянна змяняецца. Так, яны хутка вучацца і ўсё яшчэ маюць для гэтага рэсурсы.

Але 23 снежня — усё ж той дзень, калі неба стала нашым. Падзяка і павага.

Зоя Казанджы, Facebook

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com