ЗСУ атакавалі завод ракетнага паліва ў РФ і базу марскіх дронаў у Крыме

У Генштабе ЗСУ раскрылі падрабязнасці удараў.

Сілы абароны ў ноч на 24 снежня паразілі завод па вытворчасці ракетнага паліва ў РФ, а таксама базу марскіх беспілотнікаў і склады з боепрыпасамі.

Пра гэта паведамляе «РБК-Украіна» са спасылкай на Telegram Генштаба ЗСУ.

Адзначаецца, што ў горадзе Яфрэмаў Тульскай вобласці РФ паражаныя магутнасці «Яфрэмаўскага завода сінтэтычнага каўчуку», які спецыялізуецца на вытворчасці складнікаў пластыкавых выбуховых рэчываў і цвёрдага ракетнага паліва. Зафіксаваныя выбухі і маштабны пажар на тэрыторыі вытворчасці.

Таксама паражана месца захоўвання і абслугоўвання бязэкіпажных катэраў у раёне Мірнага ў часова акупаваным украінскім Крыме.

Акрамя таго, з мэтай парушэння лагістыкі расіян, паражаны склад матэрыяльна-тэхнічных сродкаў палкавога ўзроўню ў Должанску, на часова акупаваных тэрыторыях Луганскай вобласці.

Таксама зафіксавана пападанне па шэрагу аб'ектаў супрацьпаветранай абароны і ў раёнах канцэнтрацыі жывой сілы захопнікаў на часова акупаваных тэрыторыях Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com