Калядную імшу ў парафіі Брэсцкай вобласці праводзіць святар з Індыі

Харальд Джуд Менезес вывучае беларускую мову.

Каляднае набажэнства ў каталіцкай парафіі Брэсцкай вобласці праводзіць святар з Індыі. Ён служыць у адной з каталіцкіх парафій вобласці. Пра гэта паведамілі ў эфіры тэлеканала «Беларусь 4. Брэст», піша БелТА.

Харальд Джуд Менезес нарадзіўся ў Цэнтральнай Індыі ў каталіцкай сям'і. З дзяцінства ён марыў стаць святаром. Пасля навучання яго накіравалі на служэнне ў Расію. «Я шмат чуў добрага пра Беларусь. Калі з'явілася магчымасць прыехаць сюды, з задавальненнем ёю скарыстаўся», — падзяліўся настаяцель касцёла Успення Прасвятой Дзевы Марыі ў аграгарадку Дарэва Ляхавіцкага раёна.

Ён таксама з'яўляецца вікарыем касцёла Фацімскай Божай Маці ў Баранавічах.

Родныя і сябры са здзіўленнем, але пазітыўна ўспрынялі навіну пра яго пераезд у Беларусь.

«Яны хутка паглядзелі ў інтэрнэце, дзе знаходзіцца Беларусь. Старэйшы брат працуе ў фінансавай сферы — ён адразу спытаў пра валюту. Хтосьці іншы цікавіўся ежай, тым, які тут народ жыве. Успрынялі пазітыўна. Яшчэ не ўсе ведаюць (не ўсім аднакурснікам, сябрам расказаў), што цяпер знаходжуся ў Беларусі», — дадаў святар.

Паводле яго слоў, беларусы прынялі яго добразычліва. «Добрая, сяброўская атмасфера і ў парафіі, і ў розных установах. Атрымаў даведкі для працы — паўсюль усмешлівыя твары. Мне трапляюцца людзі, якія вельмі сяброўскія і адкрытыя. Гэта адна з прычын, чаму для мяне пачалося свята: я прыехаў у Беларусь — і пачалося свята», — сказаў настаяцель касцёла.

Ён вывучае беларускую мову, каб праводзіць набажэнствы на ёй.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com