Спецслужбы Турцыі раскрылі маштабную сетку ІДІЛ у Стамбуле

Тэрарысты планавалі напады на хрысціян.

Улады Турцыі заявілі, што ім удалося прадухіліць запланаваныя напады на калядныя і навагоднія мерапрыемствы. Арыштавана больш за 100 меркаваных членаў групоўкі «Ісламская дзяржава». Пра гэта паведамляе BBC са спасылкай на пракуратуру Стамбула.

Маштабныя рэйды прайшлі па 124 адрасах па ўсім Стамбуле. Падчас вобшукаў сілавікі канфіскавалі агнястрэльную зброю, боепрыпасы і дакументы арганізацыі. Паводле дадзеных чыноўнікаў, прыхільнікі ІДІЛ актыўна планавалі атакі на гэтым тыдні, выбраўшы сваёй асноўнай мэтаю немусульман.

Усяго паліцыя затрымала 115 падазраваных, яшчэ 22 чалавекі знаходзяцца ў вышуку. У пракуратуры адзначылі, што гэтыя людзі падтрымлівалі кантакт з баевікамі ІДІЛ, якія знаходзяцца па-за межамі Турцыі.

Аперацыя адбылася ўсяго праз два дні пасля таго, як турэцкая разведка правяла рэйд супраць групоўкі на афгана-пакістанскай мяжы. Там быў затрыманы грамадзянін Турцыі, які, як сцвярджаецца, займаў высокую пасаду ў рэгіянальным аддзяленні ІДІЛ і планаваў напады на мірных жыхароў.

Турэцкія спецслужбы рэгулярна пераследуюць людзей, падазраваных у сувязях з тэрарыстамі. Краіна мае агульную мяжу з Сірыяй працягласцю 900 км, дзе ІДІЛ працягвае дзейнічаць у некаторых раёнах. Прэзідэнт Сірыі Ахмед аль-Шараа, які мае цесныя сувязі з турэцкім урадам, ужо паабяцаў працаваць з ЗША і Еўропай, каб выкараніць рэшткі ІДІЛ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com