У Віцебскай вобласці перавярнуўся аўтобус «Брэст — Масква»

Адна пасажырка загінула, шасцёра атрымалі траўмы.

У ноч з 26 на 27 снежня ў Талачынскім раёне Віцебскай вобласці перавярнуўся аўтобус «Брэст — Масква». Адна пасажырка загінула, шасцёра атрымалі траўмы, піша «Зеркало».

Паводле даных МУС Беларусі, ДТЗ адбылося каля 2:40. Паводле папярэдніх звестак, аўтобус рухаўся з боку Мінска ў кірунку Расіі. У Талачынскім раёне 43-гадовы кіроўца не справіўся з кіраваннем, з’ехаў у кювет і перавярнуўся.

— У салоне знаходзіліся два кіроўцы і 12 пасажыраў. У выніку ДТЗ 53-гадовая жанчына загінула, шэсць чалавек шпіталізаваныя, — паведамляе МУС.

На месцы працавалі супрацоўнікі ДАІ, МНС і Следчага камітэта.

— Цяпер следчыя з прыцягненнем спецыялістаў УГКСЭ па Віцебскай вобласці і супрацоўнікаў ДАІ праводзяць агляд месца здарэння. Прычыны і абставіны ДТЗ высвятляюцца, — дадае СК.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com