У Беларусі прадаюць палац на беразе возера ўсяго за 42 рублі

У 1909 годзе тут была створана і пастаўлена адна з першых беларускіх п’ес.

На пляцоўцы «БУТБ-Имущество» ў студзені пройдзе аўкцыён па продажы сядзібнага дома ў Ушацкім раёне. Будынак плошчай 705 квадратных метраў побач з азёрамі ацанілі ўсяго ў 42 рублі. Расказваем, што гэта за сядзіба і чым яна знакамітая, піша realt.by.

Сядзіба «Малыя Дольцы» знаходзіцца ў вёсцы Новае Жыццё Ушацкага раёна Віцебскай вобласці. Статус гісторыка-культурнай каштоўнасці яна атрымала толькі ў 2020 годзе. Да 2013 года тут знаходзілася кантора мясцовага сельгаспрадпрыемства. Але калі капнуць глыбей, можна даведацца, што сядзібны дом быў пабудаваны ў 1848 годзе, а на пачатак XX стагоддзя сядзіба належала роду Сушчынскіх. У 1909 годзе тут была створана і пастаўлена адна з першых беларускіх п’ес — «Міхалка».

На дадзены момант будынак плошчай 705 квадратных метраў закансерваваны. Гэта капітальная цагляная пабудова з падвалам, мезанінам, прыбудовай. Ваконныя праёмы закрытыя (мураванне з блокаў), дах накрыты шыферам. Гэтыя меры дазволілі абараніць цэнтр маёнтка ад вандалізму і разбурэнняў. Паблізу захаваліся фрагменты старадаўняга парку.

Сядзіба размешчаная ў цікавым месцы — непадалёк цячэ рака Ушача, тут жа тры азёры і лес.

Да сядзібы адносіцца 11,48 соткі зямлі на правах арэнды тэрмінам на 50 гадоў. Новы ўласнік зможа выкарыстоўваць зямельны ўчастак для вядзення прадпрымальніцкай дзейнасці і размяшчэння аб’ектаў вытворча-дзелавога прызначэння, сельскагаспадарчых аб’ектаў і нават для будаўніцтва і абслугоўвання аднакватэрнага жылога дома.

Аўкцыён адбудзецца на пляцоўцы «БУТБ-Имущество» 23 студзеня 2026 года. Пачатковы кошт — 42 рублі. Цікава, што рынкавы кошт будынка яшчэ пару гадоў таму складаў 115 тысяч рублёў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com