Параўналі кошт навагодняга кошыка ў Мінску і Варшаве

Што з гэтага атрымалася?

Выданне «Салідарнасць» другі год параўноўвае цэны на навагоднія тавары ў дзвюх сталіцах. Заадно журналісты праверылі і зніжкі. Цэны параўноўвалі ў двух сетках — польскім «Ашане» і беларускім «Еўраопце». Вось што ў іх атрымалася.

Святочны стол паводле версіі выдання павінен выглядаць так:

- на гарачае — курыца, мяса па-французску са свініны і бульба,

- два салаты — крабавы і аліўе,

- памідоры з плаўленым сырам, бутэрброды з чырвонай рыбай і ікрой, мясныя і сырныя нарэзкі,

- з фруктаў — бананы, вінаград, мандарыны і грушы,

- кілаграм шакаладных цукерак,

- напоі — Coca-Cola і апельсінавы сок.

Адразу скажам, што сёлета, як бы гэта дзіўна ні гучала, нам удалося сабраць кошык танней, чым летась. Шмат у чым пашанцавала са зніжкамі. Але пра ўсё па парадку.

Адразу ўдалося знайсці танную бульбу. За кілаграм выйшла 1,49 злотых (1,2 беларускага рубля па курсе на 24 снежня) супраць 3,48 злотых летась. Морква ў цане засталася нязменнай, а цыбуля патаннела — бярэм кілаграм за 2,99 (2,4 бел. руб.).

Значна падаражэлі мандарыны — цяпер кладзём у кошык кілаграм за 6,99 злотых (5,6 руб.), хоць летась яны абышліся нам у 4,48.

А вось бананы сёлета на істотнай зніжцы — 3,45 злотых (2,8 руб.).

Вінаград сёлета будзем глядзець не за 500 грамаў, а адразу за кг, паколькі ў абодвух крамах ён ёсць, і так выходзіць сумленней. У Варшаве ён абыдзецца ў 19,99 злотых (каля 16 руб.).

Сыры камамбер і бры падаражэлі, але зусім нязначна — абодва варыянты абыдуцца нам у 6,98 злотых (5,6 руб.), летась было 6,78. Тварожны сыр Almette таксама крыху дабавіў у цане — 6,48 злотых (5,2 руб.).

Астатнія сыры, як і наш стандартны набор каўбас, у цане амаль або зусім не змяніліся.

Значна падаражэлі польскія яйкі. Цяпер самыя бюджэтныя абыдуцца нам у 9,98 злотых (каля 8 рублёў). Сліўчанае масла, наадварот, патаннела на адзін злоты — цяпер 6,98 (5,6 руб.).

Адзін з самых галоўных і дарагіх прадуктаў цяпер на добрай зніжцы — ікра гарбушы 90-грамовая абыдзецца нам у 39,9 злотых (каля 32 рублёў), а летась мы купілі яе за 55 злотых. Аднак гэта ўсё роўна даражэй, чым у Мінску. Ласось 250 грамаў бяром за 27,99 злотых.

У аддзеле мяса глядзім на тушку курыцы — яна ў цане не змянілася і абыдзецца нам у 10,98 злотых за кг і на свініну для мяса па-французску — карэйка без косткі падаражэла за год на адзін злоты і абыдзецца нам у 26,99 злотых (22,6 руб.).

З напояў, як заўсёды, бярэм апельсінавы сок — 6,98 злотых (5,6 руб.) і 1,5 літра Coca-Cola — яна значна падаражэла ў параўнанні з леташнім годам і цяпер каштуе 8,87 злотых (7,1 руб.) супраць 5,98 летась. Дык што замежны студэнт, які запісваў ролік пра падаражанне колы ў Мінску, засмуціўся б і ў Варшаве.

У выніку навагодні кошык у Варшаве абышоўся нам у 368,7 злотых. Гэта 298,6 беларускіх рублёў. У 2024-м гэты кошык абышоўся нам у 373 злотых, у 2023-м — у 363.

Як бачым па прадуктах, падаражанне многіх было нязначным, а вось зніжкі сёлета перад святамі даволі нядрэнныя, шмат у чым дзякуючы ім нам удалося сабраць кошык танней.

Бульба ў Мінску сёлета таксама крыху таннейшая, чым летась — 0,99 капеек за кілаграм. Хаця тут варта сказаць, што ў 2023-м бульба нам абыходзілася ў 0,69 капеек. Пры гэтым цыбуля прыкметна падаражэла — летась бралі па 1,47 рубля, сёлета — 1,59.

У Беларусі моцна падаражэлі сыры. Летась яны абышліся нам ад 6,5 да 9 рублёў. Цяпер — ад 9,8 да 13. Гэта камамбер, бры і з блакітнай цвіллю.

Каўбасы засталіся прыкладна на тым жа ўзроўні. А вось мяса ў цэлым падаражэла. Тушка курыцы цяпер абыдзецца нам у 6,89 рубля (летась 6,59), а свініна — як найменш 19 рублёў, хаця летась знаходзілі за 17.

У «Еўраопце», як і ў «Ашане», пашанцавала са зніжкамі на ікру. Урвалі 90 грамаў ікры гарбушы за 18,99 злотых. Летась яна нам абышлася прыблізна ў столькі ж. На зніжцы была і чырвоная рыба. Праўда, бяром не ласося, як у Польшчы, а фарэль — 14,49 за 200 грамаў (на 50 менш, чым у Варшаве).

З напояў моцна падаражэў апельсінавы сок. Сёлета літр абыдзецца нам у 6,21 рубля. А 1,5 літра Coca-Cola — у 3,75.

У выніку мы аддалі 240,8 рубля. Летась гэты кошык абышоўся нам у 236,8 рубля, а ў 2023-м — у 218.

Падсумоўваем вынікі

Варшаўскі кошык у 2025-м абышоўся на 1,1% танней, чым у 2024-м. А вось мінскі — на 1,6% даражэйшы, чым летась. Параўнаем таксама, колькі такіх харчовых кошыкаў можа дазволіць сабе паляк і беларус, улічваючы сярэдні заробак у краіне.

У Польшчы сярэдні заробак «чыстымі» складае 6310 злотых. На іх паляк можа дазволіць сабе 17 харчовых кошыкаў коштам 298,6 злотых. Ух, значна больш, чым беларус. Летась палякі, паводле нашых падлікаў, маглі дазволіць сабе 16 навагодніх кошыкаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com