«2025-ы стаў годам канчатковага прабуджэння Еўропы»

Пра гэта заявіў кіраўнік МЗС Украіны.

Міністр замежных спраў Украіны Андрэй Сыбіга лічыць, што 2025 год стаў вызначальным для таго, каб Еўропа «прачнулася» і канчаткова змяніла бачанне сваёй адказнасці за ўласную бяспеку.

Пра гэта ён адзначыў у сваім допісе з вынікамі года.

Сыбіга адзначыў «прабуджэнне Еўропы» і пераасэнсаванне еўрапейскімі кіраўнічымі элітамі сваёй ролі і адказнасці за бяспеку і дабрабыт кантынента.

«Прабуджэнне еўрапейскіх абаронных індустрыяў і ваенна-палітычных колаў пачалося яшчэ ў папярэднія гады, але 2025-ы стаў сапраўды паваротным і вызначальным. З-за шэрагу фактараў, сярод якіх змена палітыкі ЗША, новы ўзровень правакацый і гібрыдных пагроз з боку РФ, сістэмная праца з еўрапейскімі ўрадамі», – адзначыў кіраўнік МЗС.

«Ключавым рашэннем стала павышэнне абаронных выдаткаў да 5% і прадугледжаная тым жа рашэннем саміту НАТА ў Гаазе магчымасць выкарыстання гэтых сродкаў для падтрымкі Украіны ў супрацьдзеянні расійскай агрэсіі... Украіна вітае працу над павелічэннем незалежнасці, стратэгічнай аўтаномнасці і самадастатковасці Еўропы», – дадаў ён.

Сыбіга адзначыў, што Украіна «ужо з’яўляецца неад’емнай часткай гэтай новай сілы Еўропы» дзякуючы ўнікальнаму досведу і тэхналагічным інавацыям, што былі набыты за гады поўнамаштабнай вайны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com