Беларусь зноў чакае вялікага наплыву расійскіх турыстаў

Расіяне прыедуць у нашу краіну на вялікія навагоднія канікулы.

Беларусь стала адной з самых папулярных краін сярод расійскіх турыстаў на перыяд навагодніх святаў 2025—26 гадоў. Пра гэта паведамляе расійскі сэрвіс «Островок», мясцовы аналаг Booking.com.

20% браніраванняў на вялікія навагоднія канікулы ў Расіі прыпалі на замежныя маршруты. Найбольш папулярнымі сталі краіны, куды грамадзянам Расіі не патрэбна віза.

Сярод такіх напрамкаў Беларусь аказалася адным з лідараў. Акрамя яе, у топ-5 самых папулярных краін таксама ўвайшлі Тайланд, Турцыя, Узбекістан і Аб’яднаныя Арабскія Эміраты. Калі пашырыць спіс да дзесяці самых запатрабаваных напрамкаў, то туды трапілі таксама Грузія, Казахстан, амаль нікем, акрамя Расіі, не прызнаная Абхазія, Арменія і Кітай.

Пры гэтым цікава, што найбольш істотны рост колькасці расійскіх турыстаў гэтым разам паказаў Казахстан: колькасць браніраванняў у гэтую краіну вырасла ў 2,5 раза ў параўнанні з мінулым годам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com