ГУР паведаміла пра выбух у акупаваным Мелітопалі
1- 29.12.2025, 10:58
- 1,402
Чацвёра акупантаў атрымалі раненні.
У акупаваным Мелітопалі Запарожскай вобласці на тэрыторыі прамысловай зоны, якую расійскія захопнікі выкарыстоўваюць для базавання тэхнікі і захоўвання боепрыпасаў, 20 снежня прагрымеў выбух.
Пра гэта паведамілі у Галоўным упраўленні разведкі Міністэрства абароны Украіны.
20 снежня расійскія вайскоўцы загружалі свой грузавік «Урал». У момант найвышэйшай канцэнтрацыі расійскіх акупантаў каля грузавіка прагрымеў выбух — прынамсі чацвёра атрымалі раненні, таксама пашкоджаны загружаны «Урал».
«Тамтэйшую прамысловую зону падраздзяленні расійскіх акупацыйных войскаў выкарыстоўваюць як склады боепрыпасаў і месца базавання сваёй вайсковай тэхнікі», — паведамілі ў разведцы.