Пуцін паскардзіўся Трампу на «спробу» Украіны атакаваць сваю рэзідэнцыю
11- 29.12.2025, 20:07
- 5,760
Прэзідэнт Украіны абверг абвінавачанне.
Памочнік дыктатара Расіі Уладзіміра Пуціна Юрый Ушакоў пракаментаваў апошнюю тэлефонную размову свайго начальніка і прэзідэнта ЗША Дональда Трампа. Па яго словах, Пуцін падчас яе пераконваў свайго амерыканскага калегу ў нібыта вераломнасці ўкраінцаў.
Паводле слоў Ушакова, Пуцін падчас тэлефоннай размовы звярнуў увагу Трампа на тое, што «адразу пасля перамоваў» у Фларыдзе Украіна нібыта спрабавала атакаваць рэзідэнцыю прэзідэнта РФ:
«Прэзідэнт ЗША быў шакаваны гэтым паведамленнем, у літаральным сэнсе абураны, сказаў, што нават не мог падумаць пра такія вар’яцкія дзеянні».
Ушакоў таксама працытаваў амерыканскага прэзідэнта, які нібыта сказаў, што адміністрацыя ЗША, «дзякуй богу, не давала «Тамагаўкі» Кіеву», і паабяцаў змяніць «амерыканскія падыходы ў працы з Зяленскім».
Пуцін, паводле слоў Ушакова, адзначыў, што Расія цяпер перагледзіць сваю пазіцыю і што некаторыя дамоўленасці паміж Трампам і Зяленскім нібыта пакідалі Украіне «поле для інтэрпрэтацый», каб ухіліцца ад узятых на сябе абавязацельстваў.
Пра нібыта спробу начнога нападу 191 беспілотнікам на рэзідэнцыю Пуціна ў Ноўгарадскай вобласці першым паведаміў міністр замежных спраў Расіі Сяргей Лаўроў. Пры гэтым яго даныя аб колькасці беспілотнікаў відавочна супярэчылі звесткам, якія раніцай падавала Міністэрства абароны Расіі. Прэзідэнт Украіны адразу ж абверг сцвярджэнні Лаўрова, заявіўшы, што гэтай заявай расіяне «проста рыхтуюць глебу для таго, каб нанесці ўдары па сталіцы [Украіны] і па дзяржаўных будынках».
Прэзідэнт Украіны Уладзімір Зяленскі абверг дэзінфармацыю пра нібыта атаку 191 украінскага беспілотніка на рэзідэнцыю Пуціна ў Ноўгарадскай вобласці і абвінаваціў Расію ў хлусні, піша «Суспільне». Ён звязаў з’яўленне гэтых абвінавачванняў са сваімі паспяховымі перамовамі з прэзідэнтам ЗША Дональдам Трампам у Мар-а-Лага.
На думку Зяленскага, Масква спрабуе стварыць інфармацыйны фон для эскалацыі, бо прагрэс у адносінах Украіны і ЗША з’яўляецца «правалам для расіян».
«Расіяне не хочуць скончыць гэтую вайну. Сваёй заявай, што была атакаваная нейкая рэзідэнцыя, яны проста рыхтуюць глебу для таго, каб нанесці ўдары па сталіцы [Украіны] і па дзяржаўных будынках», — падкрэсліў кіраўнік дзяржавы.
Зяленскі нагадаў пра ракетны ўдар па будынку Кабінета Міністраў Украіны ў верасні і заклікаў украінцаў быць максімальна ўважлівымі да сігналаў трывогі ў найбліжэйшы час.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
