«Коммерсантъ» на завяршэнне года яшчэ раз лягнуў Лукашэнку

Расійскае выданне ўзгадала стары скандал.

У маі гэтага года расійскі «Коммерсантъ» апублікаваў рэпартаж пра парад да 9 мая, у якім яго аўтар, Андрэй Калеснікаў, даволі неліцэпрыязна прайшоўся па персоне кіраўніка Беларусі, узгадвае «Салідарнасць».

«Няспешным быў, спешыўшыся, Лукашэнка. Ішоў, як звычайна, заклаўшы руку за борт пінжака і на ўсё звяртаючы ўвагу. Упэўнены, ён і з канём каля аркі пагаварыў.

Паралельным курсам прайшоў, як звычайна не кідаючыся ў вочы, яго сын Мікалай. Ішоў упэўнена, як да сябе дадому, ды што там — з маленства ў Крамлі».

Гэтую цытату аўтар рэпартажу дапоўніў фота Лукашэнкі з малодшым сынам. На ім моцна распаўнеўшы госць з Беларусі засвяціў «буржуйскі» рамень ад Hermes.

Пазней Калеснікаву нават давялося выбачыцца за тую публікацыю, але неўзабаве «Коммерсантъ» зноў узяўся, скажам так, іранізаваць з Лукашэнкі.

А ў канцы года выданне лёгка лягнула кіраўніка Беларусі. У падборку з 105 фота пад назвай «Першыя ў фокусе» ўключылі адну-адзіную фатаграфію Лукашэнкі. І так, як вы ўжо маглі здагадацца, з той самай скандальнай серыі са злашчасным рамянём і Мікалаем.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com