У Расіі заканчваецца танная нафта

Пад пытаннем — самае існаванне РФ на сусветным нафтавым рынку.

Доля нафтагазавых даходаў расійскага бюджэту будзе скарачацца ў сярэднетэрміновай і доўгатэрміновай перспектыве, паколькі запасы вуглевадародаў з нізкім сабекоштам заканчваюцца, заявіў кіраўнік Мінфіна Антон Сілуанаў.

Паводле яго слоў, найлягчэйшыя ўмовы здабычы ў краіне ўжо мінулі, а здабыча ў цяжказалеглых пластах становіцца ўсё даражэйшай, і таму падаткі на нафтагазавую галіну давядзецца зніжаць.

«Мы прадугледжваем дадатковыя льготныя рэжымы падаткаабкладання і цудоўна разумеем, што разлічваць на высокія ўзроўні паступленняў нафтагазавых даходаў нам не даводзіцца ў доўгатэрміновай перспектыве», — цытуе Сілуанава «Інтэрфакс».

Паводле слоў міністра, сёлета доля нафтагазавых паступленняў у казну апусціцца да 23%, хоць «яшчэ некалькі гадоў таму» дасягала 50%, а ў наступным — скараціцца яшчэ на 1 працэнтны пункт.

Доўгатэрміновы бюджэтны прагноз, які ўрад зацвердзіў у снежні, прадугледжвае падзенне нафтагазавых даходаў бюджэту больш чым удвая да 2042 года — з бягучых 4% ВУП да 1,9% ВУП, найніжэйшага ўзроўню з пачатку 2000-х. Спад, згодна з прагнозам, рэзка паскорыцца ў 2030-я: да 2033-га гэта будзе менш за 3% ВУП, да 2036-га — менш за 2,5% ВУП, а на пачатку 2040-х — менш за 2% ВУП.

У базавым сцэнарыі, які пабудаваны на цане нафты $69 за барэль, доля нафтагазавых даходаў праз 17 гадоў скараціцца да 13,4% бюджэту, а ў кансерватыўным, які зыходзіць з больш нізкай цаны на нафту (яна ў прагнозе не ўказана), — да 9,5% бюджэту або 1,3% ВУП — мінімуму з 1996 года.

Пад пытаннем — самае існаванне Расіі на сусветным нафтавым рынку, піша The Moscow Times. Згодна з «Энергастратэгіяй-2050», якую ўрад зацвердзіў у красавіку, без значных інвестыцый, тэхналагічнага прарыву і змяненняў у рэгуляванні эканоміка ўжо ў бліжэйшыя гады можа сутыкнуцца з абвальным падзеннем здабычы нафты — з бягучых 520 млн тон у год да 477 млн тон да 2036-га і 287 млн тон — да 2050-га, то бок амаль удвая. Экспарт нафты пры гэтым давядзецца скараціць у тры разы — з 234 да 79 млн тон у год.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com