У Мінску знеслі квартал прыватнай забудовы

Што будзе на яго месцы.

І без таго невялікі прыватны сектар у Мінску стаў яшчэ меншы. Пра гэта паклапаціліся спецыялісты на вул. Валгаградскай, паведамляе Realt.

У будаўнічае смецце ператварыліся адразу два рады дамоў. Там былі і старыя драўляныя хаты, і адносна трывалыя і салідныя пабудовы.

Размовы пра ліквідацыю прыватнай зоны паблізу вул. Валгаградскай вяліся ўжо многія гады. Упершыню інфармацыя пра знос індывідуальных дамоў, размешчаных паміж вуліцамі Валгаградскай, Караленкі, Ватутына і Кутузава, з’явілася яшчэ ў 2018 годзе.

Першапачаткова іх павінны былі знесці напрыканцы 2023 года, але тады ўзніклі цяжкасці з-за кампенсацый для жыхароў.

У раёне станцыі метро «Маскоўская» з’явіцца новы жылы шматкватэрны дом з камерцыйнымі плошчамі і падземным паркінгам. Дом будзе мець 16 паверхаў і 2 пад’езды.

Дом будзе складацца з 150 кватэр: 30 «аднушак», 90 «двушак» і 30 «трохпакаёўак». Усяго — 9624 м². Першыя паверхі дома зоймуць убудаваныя памяшканні, а таксама калясочныя.

На канец года падрыхтоўка пляцоўкі ўжо амаль завершана. Засталося толькі знесці адну хатку і вывезці ўсё ўтворанае смецце.

Будоўля ўжо агароджаная плотам, так што пашпарт аб’екта ў наяўнасці. Там пазначана, што будаўніцтва шматкватэрнага дома пачалося 25 лістапада гэтага года, а завяршыць яго мяркуюць у IV квартале 2027 года.

Інфармацыі пра тое, каму прапануюць кватэры ў доме, пакуль няма. Але, хутчэй за ўсё (па прыкладзе суседніх будоўляў ад УКС Савецкага раёна), на жыллё ў маналітнай шматпавярхоўцы змогуць прэтэндаваць не толькі чаргавікі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com