Гучнае рабаванне ў Германіі: з банка скралі 30 млн еўра наяўнымі і золатам

Рабаўнікі праніклі ў сховішча праз суседні паркінг.

У горадзе Гельзенкірхен на захадзе Германіі, у федэральнай зямлі Паўночны Рэйн-Вестфалія, невядомыя вынеслі з аддзялення банка Sparkasse каля 30 млн еўра. Пра гэта паведаміла інфармагенцтва AFP.

Рабаўнікі праніклі ў сховішча, дзе знаходзіліся сейф-скрынкі кліентаў банка, праз суседні паркінг, прасвідраваўшы дзірку ў бетоннай сцяне.

Яны адкрылі больш за 3000 сейф-скрынак і скралі грошы, золата, каштоўнасці і іншыя рэчы на суму прыблізна 30 млн еўра.

Паліцыя кажа, што злачынства было прафесійна спланавана, і нападнікі маглі прабыць унутры некалькі дзён, пакуль банк быў зачынены на час калядных святаў.

Рабаванне адбылося ў панядзелак, аднак вядома пра яго стала пазней.

Каля 16:00 па мясцовым часе 29 снежня ў банку спрацавала пажарная сігналізацыя, пасля чаго туды прыбылі пажарныя і паліцыянты. Яны выявілі дзірку ў сцяне і разрабаванае сховішча.

Сведкі распавялі, што на выхадных бачылі некалькі мужчын, якія неслі аб'ёмныя сумкі ў гараж непадалёк. На відэа з камер назірання ў гаражы зафіксавана некалькі чалавек у масках ва ўгнанай машыне.

Гэта рабаванне можа быць адным з найбуйнейшых у гісторыі Германіі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com