Выбух на НПЗ і тэрмінале ў расійскім Туапсэ: новыя падрабязнасці

За дзёрзкай аперацыяй стаіць украінская разведка.

У ноч на 31 снежня Галоўнае ўпраўленне разведкі Мінабароны Украіны разам з Дзяржпагранслужбай атакавалі марскі нафтавы тэрмінал Туапсэ і Туапсінскі НПЗ у Краснадарскім краі РФ. Пра гэта паведамілі NV крыніцы ў ГУР МО.

У выніку ўдару пашкоджана ўстаноўка першаснай перапрацоўкі нафты АВТ-12 Туапсінскага НПЗ, а таксама транспартныя трубаправоды і наліўное абсталяванне марскога нафтавага тэрмінала, адзначылі разведчыкі.

Туапсінскі НПЗ мог перапрацоўваць каля 12 мільёнаў тон нафты ў год, істотна ўзмацняючы магчымасці расійскага ВПК.

«Калектыў Галоўнага ўпраўлення разведкі шчыра віншуе расійскіх прыгонных з надыходзячымі святамі і ад чыстага сэрца дарыць гэты навагодні феерверк. Піратэхнічныя шоу з уражлівымі светлашумавымі эфектамі будуць працягвацца па ўсёй тэрыторыі краіны-агрэсара ўсе навагодне-калядныя святы пад патранажам ГУР МО і пры садзейнічанні ўсяго ўкраінскага народа. Слава Украіне!», — заявіў суразмоўца NV у ваеннай разведцы.

Раней расійскія Telegram-каналы паведамлялі, што ў расійскім Туапсэ ў выніку атакі БПЛА быў пашкоджаны адзін з прычалаў у порце, а таксама абсталяванне на нафтаперапрацоўчым заводзе. На месцы удараў успыхнулі пажары.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com