У зварот выпусцілі новыя двухрублёвыя манеты

У іх даволі незвычайны дызайн.

Нацыянальны банк выпусціў памятныя манеты серыі «Гісторыя беларускага машынабудавання». Пра гэта паведаміла прэс-служба рэгулятара, заўважыла «Зеркало».

Серыя складаецца з шасці манет: «Самазвал», «Грузавік», «Цягач», «Трактар», «Тралейбус» і «Камбайн». Намінал кожнай — 2 рублі. Тыраж — па 25 тысяч экзэмпляраў кожнага наймення.

Манеты выраблены са сталі: кальцо пакрыта меддзю і латунню, сярэдзіна — меддзю і нікелем. Яны маюць круглую форму з выступаючым кантом. На бакавой паверхні размешчаныя паўтаральны надпіс «Беларусь», год чаканкі — 2025 — і элементы нацыянальнага арнаменту.

На аверсе ўсіх манет выяўлены афіцыйны герб Беларусі, а таксама надпісы «Беларусь» і «2 рублi». На рэверсе — адпаведныя віды тэхнікі і назва серыі «Гісторыя беларускага машынабудавання».

Манеты з’яўляюцца законным плацежным сродкам і абавязковыя да прыёму па нарыцальнай вартасці без якіх-небудзь абмежаванняў.

Кошт, па якім іх будзе прадаваць рэгулятар, пакуль невядомы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com