Дзве новыя краіны будуць набываць амерыканскую зброю для Украіны
- 4.12.2025, 10:21
- 4,362
Фота: Liga.net
Генеральны сакратар НАТА раскрыў падрабязнасці.
Аўстралія і Новая Зеландыя цяпер таксама будуць набываць амерыканскую зброю для Украіны ў межах ініцыятывы PURL. Пра гэта заявіў генеральны сакратар НАТА Марк Рутэ.
Паводле яго слоў, Аўстралія выдзеліць на куплю амерыканскай зброі для Узброеных Сіл Украіны 63 млн долараў, а Новая Зеландыя — 8,7 млн долараў. На жаль, ён не ўдакладніў, якую менавіта амерыканскую зброю і ваеннае абсталяванне атрымаюць Узброеныя сілы Украіны за кошт гэтых дзяржаў.
Рутэ падкрэсліў, што далучэнне новых краін да ініцыятывы PURL азначае, што не будзе збояў у пастаўках зброі, ваеннага абсталявання і боепрыпасаў Кіеву.
Варта адзначыць, што ініцыятыва PURL раней была разлічаная толькі на краіны НАТА. Некаторыя дзяржавы гэтага саюза робяць узносы, на якія потым у ЗША набываюць зброю, неабходную Украіне. Пасля атрымання грошай Злучаныя Штаты перадаюць зброю пакупнікам, а тыя ўжо адпраўляюць яе Кіеву. Але Аўстралія і Новая Зеландыя не ўваходзяць у НАТА, тым не менш яны далучыліся да ініцыятывы PURL, што сведчыць пра іх вельмі значную дапамогу Украіне ў яе барацьбе з расійскімі акупантамі.
Адначасова з гэтым нядаўна Італія заявіла, што спыняе набываць у ЗША зброю для Украіны ў межах PURL. Рым лічыць, што трэба засяродзіцца на рэалізацыі новага мірнага плана па спыненні вайны Расіі супраць Украіны, які распрацавала адміністрацыя прэзідэнта ЗША Дональда Трампа.
Міністр замежных спраў Італіі Антоніа Таяні упэўнены, што Украіне ў выпадку падпісання мірнай дамовы спатрэбяцца іншыя віды дапамогі, напрыклад, гарантыі бяспекі. Але Італія і далей будзе аказваць Кіеву эканамічную, фінансавую і гуманітарную дапамогу.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
