WSJ: Ёсць адзіны спосаб прымусіць Пуціна здацца
3- 4.12.2025, 12:40
- 10,026
Крэмль не хоча міру.
Чарговы візіт пасланнікаў прэзідэнта Дональда Трампа у Маскву скончыўся чарговай адмовай Уладзіміра Пуціна ад чарговага плана спынення вайны з Украінай. З гэтага можна зрабіць ясную і відавочную выснову, што Пуцін не хоча міру — ён хоча Украіну, піша The Wall Street Journal.
Крамлёўскія чыноўнікі назвалі пяцігадзінныя перамовы са Стывам Уіткофам і Джарэдам Кушнерам «канструктыўнымі», але таксама заявілі, што «каранёвыя прычыны» вайны дагэтуль не ўхілены — гэта значыць, што Украіна па-ранейшаму свабодная ад расійскага кантролю.
Расія хоча паглынуць увесь Данбас і пазбавіць Украіну саюзнікаў, якія маглі б абараніць яе ў будучыні. Пры гэтым Пуцін хоча стварыць бачнасць перамоў, і сустрэчы з Уіткофам дапамагаюць яму падтрымліваць гэтую бачнасць, адначасова спрабуючы ўбіць клін паміж Трампам і Еўропай.
Масква таксама з усіх сіл імкнецца пераканаць свет у сваёй перамозе ў вайне, аднак параза Украіны не з’яўляецца непазбежнай ці неадваротнай, лічаць ваенныя эксперты.
«Калі я знаходжуся з украінскімі камандзірамі карпусоў і назіраю за іх дзеяннямі, я не веру, што яны самі прайграюць гэтую вайну на сушы», — сказаў адстаўны контр-адмірал ВМС ЗША Марк Мантгомеры.
Як падкрэсліваюць у WSJ, Пуцін не будзе весці сур’ёзныя перамовы, пакуль лічыць, што мае перавагу. Патрэбны паварот у палітыцы ЗША — канфіскацыя замарожаных актываў Пуціна, узмацненне санкцый, якія распаўсюджваюцца на Кітай, і пастаўка ракет вялікай дальнасці і іншай зброі ва Украіну.
«Аднак пакуль адміністрацыя Трампа трымаецца пункта гледжання на матывы Пуціна, які супярэчыць падзеям: што гандаль і культурны абмен паміж Украінай, Расіяй і ЗША стануць страхоўкай ад вайны», — адзначае выданне.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
