Пуцін заявіў, што вайну «пачалі Украіна і Захад»

Дыктатар РФ зрабіў шэраг дзіўных заяў у Індыі.

Расія не прызнавала незаконныя сепаратысцкія «рэспублікі» ў Данецкай і Луганскай абласцях Украіны («ДНР» і «ЛНР») восем гадоў, але была «вымушаная» гэта зрабіць. Пра гэта нелегітымны прэзідэнт РФ Уладзімір Пуцін заявіў India Today падчас свайго візіту ў Нью-Дэлі.

«Мы сказалі Украіне, што людзі не хочуць жыць з імі», – сказаў расійскі дыктатар, які знаходзіцца з візітам у Індыі.

Ён паўтарыў наратывы прапаганды РФ пра тое, што Крэмль не ўварваўся ва Украіну; стэнаграму інтэрв’ю публікуе афіцыйны сайт Крамля.

«Мы восем гадоў не прызнавалі самапрагалошаныя рэспублікі, восем гадоў! Яны абвясцілі незалежнасць, а мы спрабавалі наладзіць адносіны паміж астатняй часткай Украіны і гэтымі рэспублікамі. Потым, калі зразумелі, што гэта немагчыма, што іх проста знішчаюць, былі вымушаныя іх прызнаць — прычым не проста прызнаць іх на частцы тэрыторыі, а ў рамках адміністрацыйных межаў, калі яны існавалі яшчэ ў савецкі час, а потым у часы незалежнай Украіны, пасля набыцця ёю незалежнасці, у рамках адміністрацыйных межаў», – заявіў расійскі дыктатар.

Паводле яго слоў, Расія не пачынала поўнамаштабнага ўварвання ва Украіну.

«Мы не пачыналі гэтую вайну, гэта зрабілі Захад і Украіна. Пасля васьмі гадоў бесперапыннага гвалту супраць нас на Данбасе, пра што Захад не гаворыць, пачалася вайна», – прамовіў Пуцін.

Ён упэўнены, што Украіна павінна вывесці свае войскі з «расійскай тэрыторыі» і «перастаць забіваць людзей, каб гэта вайна скончылася».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com