У Еўропу ідзе гістарычная «снежаньская спёка»

Яе ўплыў адчуюць і беларусы.

У бліжэйшыя дні Еўропу ахопіць «гістарычная снежаньская спёка», піша тэлеграм-канал пра надвор'е Nadvorie са спасылкай на даныя сэрвісу ўліку экстрэмальных тэмператур. Тым часам у Белгідрамеце беларусам абяцаюць воблачныя, але цёплыя выхадныя.

Як піша Nadvorie, «надзвычай цёплае паветра перасячэ Еўропу з паўднёва-захаду на паўночны ўсход з тэмпературамі вышэй за +10°С і нават вышэй за +15°С».

«Спёка дойдзе таксама да Скандынавіі. Чакаецца сотня, калі не тысяча паведамленняў пра рэкордныя тэмпературы паветра з усяго кантынента», — перадае тэлеграм-канал.

У Белгідрамеце абяцаюць цёплыя выхадныя. У суботу будзе воблачна з праясненнямі і пераважна без ападкаў. Толькі месцамі на паўночным захадзе краіны пройдуць нязначныя ападкі, у асноўным дождж. Уначы і раніцай на асобных участках дарог галалёдзіца. Тэмпература паветра мінімальная ўначы -2.+5°С, максімальная ўдзень 0.+7°С.

Уначы 7 снежня будзе воблачна. Уначы пераважна без ападкаў, удзень месцамі па краіне пройдуць ападкі (дождж, мокры снег). У асобных раёнах чакаюцца слабы туман і галалёд, на дарогах галалёдзіца.

Тэмпература паветра мінімальная ўначы -5.+2°С, максімальная ўдзень -2.+4°С.

Раней у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды параілі беларусам не чакаць уласцівага зіме марозу і снегападаў. У ведамстве адзначылі, што снежань, «працягваючы лістападаўскія традыцыі, пачнецца з камфортнага восеньскага надвор'я», а тэмпературны рэжым і далей будзе перавышаць сярэднія шматгадовыя значэнні на 1−4 градусы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com