Беларусы ў Польшчы займаюць другое месца сярод замежнікаў па іпатэчных крэдытах

Лічбы ўражваюць.

Замежныя грамадзяне ўсё часцей бяруць у Польшчы банкаўскія крэдыты і, як правіла, на большыя сумы, чым палякі. Паводле выдання Puls Biznesu, са студзеня па канец кастрычніка банкі выдалі ім крэдытаў на 7,65 мільярда злотых (1,81 мільярда еўра) толькі ў сегменце іпатэкі, паведамляе.

Увесь партфель крэдытаў, выдадзеных замежнікам, цяпер ацэньваецца амаль у 29 мільярдаў злотых (6,89 мільярда еўра) і працягвае павялічвацца. Іпатэчныя пазыкі складаюць 82% гэтага аб’ёму, яшчэ 14% — спажывецкія крэдыты.

«Мы бачым пастаянны рост долі замежнікаў на рынку іпатэкі. Цяпер гэта амаль 10% па аб’ёме выдадзеных крэдытаў. У выпадку спажывецкіх пазыкаў — каля 2,5%», — адзначыў Славамір Жыбэк з Бюро крэдытнай інфармацыі.

Толькі сёлета банкі выдалі замежнікам крэдытаў на 11,63 мільярда злотых: 7,65 мільярда — іпатэка (+42% г/г), 2,57 мільярда — спажывецкія крэдыты (+46%), 1,42 мільярда — іншыя (+57%).

Сярэдняя сума іпатэкі ў замежніка — 513 тысяч злотых, у паляка — 449 тысяч злотых. Найбольшыя крэдыты атрымліваюць індыйцы, а сярод беларусаў сярэдні іпатэчны крэдыт складае каля 600 тысяч злотых. Гэта здзіўляе аналітыкаў, бо істотную частку замежных работнікаў складаюць украінцы, якія часцей выконваюць менш аплачваную працу.

У Польшчы цяпер працуе каля 1,1 мільёна замежнікаў — на 5,5% больш, чым летась. У базах Бюро крэдытнай інфармацыі ўжо 321 тысяча замежных пазычальнікаў: 227 тысяч украінцаў, 31 тысяча беларусаў і 63 тысячы прадстаўнікоў іншых краін.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com