Сырскі патлумачыў ідэю справядлівага міру для Украіны

Іншы фармат для Кіева непрымальны.

Справядлівы мір для Украіны — гэта завяршэнне вайны без папярэдніх умоў. Боі павінны спыніцца па лініі судакранання.

Пра гэта галоўнакамандуючы ЗСУ Аляксандр Сырскі заявіў у інтэрв'ю Sky News.

Генерал падкрэсліў, што цяпер галоўная задача — «абароніць украінскую зямлю, краіну і насельніцтва».

«Вядома, для нас непрымальна проста аддаваць тэрыторыю. Што гэта ўвогуле значыць — перадаць нашу зямлю? Менавіта таму мы і ваюем: каб не аддаваць нашу тэрыторыю», — дадаў ён.

Па словах Сырскага, ён нават не дазваляе сабе разглядаць сцэнар, паводле якога Украіна будзе вымушаная аддаць Расіі ўсю Данецкую і Луганскую вобласці.

«Усе войны калісьці заканчваюцца, і, вядома, мы спадзяёмся, што і наша таксама скончыцца. І калі гэта адбудзецца, павінен быць усталяваны справядлівы мір. У маім разуменні справядлівы мір — гэта мір без папярэдніх умоў, без адмовы ад тэрыторыі. Гэта азначае спыненне ўздоўж цяперашняй лініі судакранання», — адзначыў галоўнакамандуючы,

Ён удакладніў, што павінна быць безумоўнае спыненне агню, а затым пачатак перамоваў.

«Любы іншы фармат быў бы несправядлівым мірам, і для нас ён непрымальны», — сказаў Сырскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com