Модзі дазволіў Пуціну вяшчаць у Індыі расійскую прапаганду

Прапагандыстка Маргарыта Сіманьян запусціць у краіне RT India.

Уладзімір Пуцін падчас візіту ў Індыю даў старт рэгіянальнаму тэлеканалу RT India — новаму англамоўнаму падраздзяленню фінансаванай Крэмлём прапагандысцкай медыягрупы. «Я шчыра спадзяюся, што Russia Today не толькі дапаможа паказаць сучасную Расію, але і дапаможа сарыентаваць нашы грамадствы па ключавых пытаннях нашага супрацоўніцтва», — сказаў ён, адкрываючы вяшчанне.

Галоўная рэдактарка RT, прапагандыстка Маргарыта Сіманьян падчас прэзентацыі назвала Індыю «сяброўскай і гасціннай краінай», супрацьпаставіўшы яе заходнім дзяржавам, дзе пасля пачатку Уладзімірам Пуціным вайны супраць Украіны трансляцыі RT былі забаронены або прыпынены.

Пасля ўварвання 2022 года RT America знік з сетак большасці амерыканскіх кабельных і спадарожнікавых аператараў, а Еўрапейская камісія спыніла вяшчанне RT і звязанага з ім канала Sputnik на тэрыторыі ЕС, спаслаўшыся на занепакоенасць наконт крэмлёўскіх кампаній уплыву. Пуцін раскрытыкаваў гэтыя рашэнні, заявіўшы, што заходнія ўрады «баюцца праўды», а RT назваў «эфектыўным каналам» для прасоўвання расійскай пазіцыі.

Запуск RT India суправаджаўся шырокай рэкламнай кампаніяй па ўсёй краіне. Рэкламная актыўнасць уключала білборды, лічбавую рэкламу, тэматычны цягнік у Дэлі, зялёную светлавую праекцыю на мосце Бандра-Ворлі ў Мумбаі і студыёвы ўваход у Нью-Дэлі, аформлены ў выглядзе матрёшкі. У дэбютным відэароліку тэлеканал акцэнтаваў увагу на новай студыі, а таксама выкарыстаў выказванні індыйскіх і савецкіх лідараў пра цесныя двухбаковыя адносіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com