Лукашэнку сапсавалі настрой

Лічба і факт, з якімі складана спрачацца.

Лукашэнкаўская прапаганда любіць распавядаць, як нашы заходнія суседзі «мучацца пад брусэльскім чобатам». У фантазіях прапагандыстаў польскія настаўнікі ледзь зводзяць канцы з канцамі, у «Biedronka» і «Żabka» страшна зайсці з-за «шаленых» цэн, а ўжо мясцовая медыцына...

На гэтым тыдні з’явіліся дзве навіны пра Польшчу, здольныя сапсаваць настрой «разаблачальнікам» на дзяржаўных стаўках.

Навіна першая — Беларусь прайграе амаль усім краінам-суседкам па памеры мінімальнай зарплаты. І гэта не адставанне на 5–10%. Для параўнання: у 2025 годзе беларуская «мінімалка» складае 726 рублёў у месяц.

А ў краінах-суседках, што ўваходзяць у ЕС, у пераліку на беларускія рублі, сітуацыя выглядае так: Латвія — каля 2529 беларускіх рублёў, Літва — 3547, Польшча — 3743. Іншымі словамі, «няшчасныя» палякі атрымліваюць мінімальную зарплату ў пяць разоў больш, чым беларусы. Дададзім сюды прыкметна большую пакупніцкую здольнасць нашых суседзяў — і карціна становіцца яшчэ больш сумнай.

Навіна другая — Вашынгтон запрасіць Польшчу на саміт G20 у Фларыдзе. Пра гэта заявіў дзяржсакратар ЗША Марка Рубіо. Яго словы нагадваюць вядомы мем, ад якога беларусам становіцца сумна. Так, «гэта маглі быць мы з табой, але...»:

Мы будзем рады вітаць за сталом перамоў найбуйнейшыя эканомікі свету, а таксама растучых партнёраў і саюзнікаў. У прыватнасці, Польшча, краіна, якая калісьці знаходзілася за жалезнай заслонай, а цяпер уваходзіць у дваццатку найбуйнейшых эканомік свету, далучыцца да нас, каб заняць сваё законнае месца ў «Вялікай дваццатцы».

І ўся справа ў тым, што пакуль Лукашэнка трыццаць гадоў ставіў эксперыменты над краінай і здаровым сэнсам, дзень за днём заганяючы Беларусь пад крыло былой метраполіі, Польшча паступова рухалася да поспеху, адважыўшыся на пачатку шляху на балючыя, але такія неабходныя рэформы.

І што самае сумнае — апошнія пяць гадоў поспеху суседняй краіны спрыяюць і сотні тысяч беларусаў, якія аказаліся непатрэбнымі ў сябе на радзіме.

Арцём Сініцын, «Салідарнасць»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com