«Я паміраю»: Кадыраў дрыготкім голасам звярнуўся да ўкраінцаў

Кіраўнік Чачні з цяжкасцю гаварыў і выглядаў ацёчным і хваравітым.

Рамзан Кадыраў, стан здароўя якога відавочна пагоршыўся, пасля доўгай адсутнасці з'явіўся на публіцы. Ён сабраў пасяджэнне, каб асабіста агучыць пагрозы Украіне ў сувязі з ударам БПЛА па бізнес-цэнтры ў Грозным.

Кадры былі апублікаваныя на афіцыйным канале Рамзана Кадырава у Telegram увечары 5 снежня, паведамляе «Украіна 365».

Кіраўнік Чачні выказаў жаданне сустрэцца з украінцамі «сам-насам, тварам у твар» і патрабаваў назваць лакацыю для гэтай сустрэчы.

Зыходзячы з апублікаванага відэа, Кадыраў вельмі аслабеў апошнім часам: кіраўнік Чачні з цяжкасцю гаварыў і зноў выглядаў ацёчным і хваравітым.

«Мы заклікаем — вызначце месца… Давайце лакацыю! Мы гатовыя ваяваць… Праз 2–3 дні ўбачыце, адказ будзе добры. Чакайце «падарунак» ад мяне асабіста», — сказаў Кадыраў.

Пасля гэтага ён перайшоў на чачэнскую мову.

Расійскае выданне «Вёрстка» пацвердзіла дрэнны стан кіраўніка Чачні. Крыніцы сцвярджаюць, што апошнім часам ён «зляг». Ужо няма сумненняў у тым, што Кадыраў цяжка хворы. Ёсць некалькі версій адносна таго, які менавіта ў яго дыягназ. Паліттэхнолаг Станіслаў Белкоўскі, які мае сувязі ў вышэйшым кіраўніцтве РФ, сцвярджае, што ў Кадырава анкалагічнае захворванне. Паводле іншай версіі, у яго дыягнаставаны некроз падстраўнікавай залозы. Сам кіраўнік Чачні гэтыя чуткі катэгарычна адмаўляе.

Варта ўдакладніць, што Украіна не ўзяла на сябе адказнасць за ўдар па «Грозны-Сіці». Улічваючы слабое здароўе і становішча Кадырава, нельга выключаць, што атака магла быць унутранымі разборкамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com