«Яндекс Музыка» выдаліла альбом беларускага гурта Leibonik

Расійскаму стрымінгу не спадабаўся трэк з пажаданнямі расійскім акупантам.

Папулярны ў Беларусі стрымінг «Яндекс Музыка» выдаліў альбом «Там» гурта Leibonik. Прычым зрабіў гэта з-за цэнзуры.

«У канцы вясны «Яндекс Музыка» самы папулярны ў Беларусі стрымінг) без папярэджання выдаліў песню HRAMADZIANIN, а разам з ёй і ўвесь альбом TAM», — распавёў у інстаграме лідар гурта Сяргей Башлыкевіч.

Музыкант знайшоў элегантны выхад з сітуацыі ў стылі газет з белымі плямамі. Ён замяніў «Грамадзяніна» на трэк «Нема». Гэта інструментальная версія песні, якая не спадабалася цэнзарам. Таму кожны зможа праспяваць яе ў фармаце караоке.

«Спачатку я думаў проста прыбраць песню з альбома або крыху падправіць тэкст, але ўсё ж песня без слоў будзе гучаць больш красамоўна. І таму для «Яндекс Музыкі» альбом TAM перазаліваецца ў рэдакцыі TUT — дзе на месца «Грамадзяніна» становіцца флейта NEMA», — піша Башлыкевіч.

Што магло не спадабацца «Яндекс Музыцы»? Цалкам магчыма, пажаданні расійскім вайскоўцам, якія ўварваліся ва Украіну. Адзін з куплетаў трэка «Грамадзянін» гучыць так:

«Хто на Кіеў у БТРы едзе ўночы

Хай вернецца ў Растоў, але не вернуцца вочы

Хай хлопец заўральскі абдыме дома мамку

А ногі хай пакіне пад Сумамі ў танку

Хай збіты пад Харкавым у верталёце

Калі зможа, напіша: Абгарэў на рабоце

Хай Чорнае мора каскамі пазасыпе

Астраханскага духа ў самым поўным экіпе».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com