Еўракамісар Марта Кос: Аўтакраты будуць выдаленыя з гісторыі

Усё магчыма, і мы павінны ў гэта верыць і працаваць над гэтым.

Еўракамісар Марта Кос падчас канферэнцыі ў Бруселі абвясціла новы пакет дапамогі для беларускага народа. «Зеркало» пацікавілася ў палітыка, ці мае наша краіна рэальны шанец калі-небудзь стаць часткай аб’яднанай Еўропы?

— Ці ёсць нейкі рэалістычны сцэнар, паводле якога Беларусь магла б далучыцца да ЕС? Калі так, то які ён?

— У нас ёсць некаторыя папярэднія ўмовы, якія краіна павінна выканаць. Найперш трэба падаць заяўку, а потым чальцы [ЕС] павінны даць на гэта зялёнае святло. Гэты працэс суправаджаецца мноствам патрабаванняў. Таму ўсё будзе залежаць ад вас, беларускага народа. Вы павінны прыняць рашэнне пра сваю будучыню, ці бачыце вы яе ў складзе Еўрапейскага саюза.

— Як вы думаеце, ці можа гэта здарыцца цягам нашага жыцця?

— Скажыце вы мне: вы ведаеце Беларусь лепш за мяне. Я са Славеніі, якая была часткай Югаславіі. Калі б вы спыталі мяне ўвечары таго дня, калі мы ўпершыню сталі незалежнымі ў 1991 годзе, я паставіла б мільён еўра на тое, што гэтага не адбудзецца.

Але ўсё змяняецца. І сёння я бачу, колькі гэтае сяброўства нам прынесла, асабліва для такой маленькай дзяржавы — нас усяго два мільёны чалавек. Сёння яно для нас усё больш важнае, асабліва калі мы гаворым пра бяспеку. Я заўсёды вяртаюся да вытокаў, узгадваю, дзеля чаго быў створаны Еўрапейскі саюз. Эканамічны дабрабыт не стаяў на першым месцы. Галоўнае — каб больш ніколі не было вайны. ЕС — гэта праект міру, свабоды, росквіту і бяспекі.

Мне падабаецца казаць, што ў мяне найлепшая праца, якая толькі можа быць. Як камісар па пашырэнні я магу працаваць над ідэяй аб’яднання Еўропы, каб на нашай тэрыторыі больш ніколі не было вайны. Вяртаючыся да вашага пытання: усё магчыма, і мы павінны ў гэта верыць і працаваць над гэтым. А аўтакраты будуць выдаленыя з гісторыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com