У Аўстраліі ўступіць у сілу першая ў свеце забарона сацыяльных сетак для дзяцей маладзей за 16 гадоў
13- 9.12.2025, 17:47
- 2,894
Еўрапейскі саюз таксама разглядае падобныя абмежаванні.
З 10 снежня ў Аўстраліі пачала дзейнічаць беспрэцэдэнтная забарона на выкарыстанне сацыяльных сетак карыстальнікамі маладзей за 16 гадоў. Мільёны дзяцей і падлеткаў страцяць доступ да ўліковых запісаў у Facebook, Instagram, TikTok, YouTube, Snapchat, Reddit, X, Twitch, Kick і Threads. Платформы абавязаныя выдаляць уліковыя запісы непаўналетніх і блакаваць рэгістрацыю новых, інакш ім пагражаюць штрафы да $49,5 млн, піша The Guardian (пераклад — сайт Charter97.org).
Урад прызнае, што сістэма праверкі ўзросту працуе не ідэальна. Некаторыя падлеткі змаглі прайсці праверку па твары і захаваць доступ. Тым не менш улады лічаць, што закон задае выразны грамадскі стандарт.
Большасць буйных платформаў пацвердзілі гатоўнасць выконваць патрабаванні. Выключэннем застаецца X, якая пакуль не абвясціла карыстальнікам пра сваю пазіцыю. Нават невялікая сацсетка Bluesky, якая не ўваходзіць у абавязковы пералік, вырашыла добраахвотна забараніць доступ падлеткам.
Бацькі па-рознаму рэагуюць на забарону. Адны скардзяцца, што дзеці застануцца без зносін з сябрамі, іншыя заяўляюць, што ім давялося тлумачыць дзецям, як абыходзіць абмежаванні праз VPN. Ёсць і тыя, хто падтрымлівае забарону, называючы яе выратаваннем для «залежных ад сацсетак» падлеткаў.
Прэм’ер-міністр Аўстраліі Энтані Албанізэ падкрэсліў, што закон недасканалы, але неабходны. Падтрымка сярод насельніцтва застаецца высокай — каля двух трацін выбаршчыкаў.
Забарона ўжо прыцягнула ўвагу іншых краін — Малайзіі, Даніі, Нарвегіі і Вялікабрытаніі. Еўрапейскі саюз таксама разглядае падобныя абмежаванні.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
