У Менску сілавікі дзве ночы праводзілі рэйды ў клубах

Прайшліся па ўстановах на Зыбіцкай і Кастрычніцкай.

У Менску прайшлі рэйды сілавікоў па ўстановах – шукалі наркотыкі на Зыбіцкай і Кастрычніцкай. Аб выніках акцый, якія праходзілі цягам дзвюх начэй, паведаміла дзяржагенцтва БелТА.

Сілавікі правялі рэйды па «забаўляльных установах, месцах адпачынку моладзі і інтэрнатах». Напрыклад, у адну з начэй з пятніцы на суботу АМАП і кінолаг з сабакам працавалі на вуліцы Зыбіцкай. Адначасова там жа дзейнічалі супрацоўнікі падраздзяленняў барацьбы з эканамічнымі злачынствамі і МНС - правяралі адпаведнасць працы ўстаноў правілам. Людзей надглядалі, правяралі пашпарты, але нічога забароненага не знайшлі.

Затрымалі аднаго мужчыну, які «нецэнзурна лаяўся на адрас праваахоўнікаў, а потым яшчэ і паспрабаваў з кулакамі накінуцца на байца АМАПу». У дачыненні да яго склалі адміністрацыйны пратакол.

У ноч з суботы на нядзелю ўжо на вуліцы Кастрычніцкай да АМАПу далучыўся атрад “Беркут” унутраных войск. У адным з клубаў у 27-гадовага мужчыны была знойдзеная марыхуана ў самакрутцы і ў невялікай шкляной ёмістасці, у заплечніку - курыльная трубка. На пытанне, адкуль марыхуана, ён адказаў, што знайшоў яе ў лесе.

А ў 31-гадовай наведвальніцы клуба знайшлі мефедрон.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com