Азербайджан выганяе з краіны «Рускі дом»

Дачыненні Баку і Масквы абвастраюцца.

Улады Азербайджана накіравалі Маскве афіцыйнае апавяшчэнне аб спыненні на сваёй тэрыторыі дзейнасці Рассупрацоўніцтва, сцвярджае азербайджанскае выданне Report, спасылаючыся на ўласныя крыніцы. Як піша выданне, пастанова звязаная з тым, што Азербайджан не мае патрэбы ў замежнай дапамозе, «пагатоў якая надаецца праз непразрыстыя схемы і арганізацыі, структура якіх відавочна мае выведвальны характар».

У студзені на тэлеканале Baku.tv выйшаў рэпартаж аб культурным цэнтры «Рускі дом» у Баку, які курыруе Рассупрацоўніцтва. Кіраўнік агенцтва Яўген Прымакоў у сваім Telegram-канале назваў рэпартаж, у якім «Рускі дом» абвінавачваўся ў шпіёнскай дзейнасці, ілжывым і «гнюсным» і паабяцаў, што Рассупрацоўніцтва падасць пазоў аб абароне дзелавой рэпутацыі.

Дачыненні паміж Масквой і Баку сталі напружанымі пасля катастрофы самалёта азербайджанскай авіякампаніі AZAL, які ляцеў у Грозны. У канцы снежня Ільхам Аліеў абвінаваціў Расею ў катастрофе і паўтарыў свае сцвярджэнні ў пачатку студзеня: «Магу з упэўненасцю сказаць, што віна за тое, што азербайджанскія грамадзяне загінулі ў гэтай катастрофе, ляжыць на прадстаўніках Расейскай Федэрацыі. І мы патрабуем справядлівасці, мы патрабуем пакарання вінаватых, мы патрабуем поўнай празрыстасці і чалавечых паводзін».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com